Chrodegang, évêque de Metz, donne à l'abbaye de Gorze, récemment fondée par lui, divers biens à Gorze, Nonsart, Scy, Jouy-aux-Arches, Buxières-lez-Chambley, Cuvry, etc.
Datierung: 745 05 20
Ausstellungsort: Andernach
ln nomine Patris, et Filii, et Spiritus sancti, amen. Ego Chrodegangus, ac si indignus si non opere vel nomine, gratia Dei episcopus, una cum commeatu et voluntate illustris viri Pippini, maioris domus, senioris nostri, et cum consensu omnium parium nostrorum, abbatum, presbiterorum, diaconorum, subdiaconorum, seu hominum Sancti Stephani ecclesie Metensis, vel illorum laicorum bonorum qui ibidem in servitio Sancti Stephani esse videntur, cogitavi, casu humane fragilitatis, qualiter peccata nostra, donante Domino, possimus abluere et ad eterna gaudia pervenire. Idcirco donamus de rebus Sancti Stephani ad illam basilicam sancti Petri et sancti Stephani, vel ceterorum sanctorum, quam a novo edificavimus in fine Haldiniaca, in pago Scarponinse, ubi Gorzia consurgit, et ad ipsam cellam quam ibidem construximus, et ad opus servorum Dei habitantium ibidem, per hoc testamentum, unde illi monachi vel pauperes ibidem victum et vestitum, vel aliam consolationem possiot habere, hoc est quicquid in fine Haldiniaca, ubi ipsam basilicam sancti Petri edificavimus, quicquid comparavimus aut ad nos per venditionem, donationem, commutationem advenit, et quicquid de ipsa fine Haldiniaca in unaquaque parte levas duas comparavimus, aut nobis traditum vel commutatum fuit, vel in antea ibidem comparatum, aut de quolibet iogenio legibus ad nos pervenit, hoc ad ipsam cellam iamdictam, per hoc testamentum, pro mercedis nostri augmento, et quicquid in ipso fine Haldiniaco casa Sancti Stephani ibidem habuit, ad ipsam basilicam vel ad illam cellam sancti Petri proficiat in augmentis. Donamus etiam in ipso pago Scarponinse, in loco nuncupato Siurone, quicquid Rigoaldus ad partem Sancti Stephani per suarum strumentum cartarum delegavit, cum illa basilica que est in honore sancti Pauli cnostructa, vel quicquid ad hoc aspicit in Godolino villa et Bodelo curte, vel in fine Haldiniaca, et in fine Baudiciaca, vel in fine Aconiaca, vel quicquid in ipsas fines Rigoaldus et germanus suus Gontrannus ad partem Sancti Stephani per illorum strumenta delegaverunt, et quicquid Bavo in Tantalino villa per suum strumentum ad casam Sancti Stephani delegavit. Donamus etiam, in pago Scarponinse, in villa Bucsarias, quod casa Sancti Stephani legibus ibidem habere videtur, vel in illas fines, sicut iam dictum est, quod boni homines, per illorum strumenta, ad casam Sancti Stephani delegaverunt. Donamus etiam, in ipso pago Scarponinse, villam Sancti Stephani cuius vocabulum est Pinna, cum mansis, curtilis, ortilis, domibus, edificiis, terris, campis, pratis, vineis, silvis, cultis et incultis, aquis aquarumve discursibus, mancipiis, litis, acolabus vel epistolariis, peculiis utriusque generis sexus, mobilibus vel immobilibus, vel quicquid ibidem per venditionem, donationem, commutationem, pervenit ad ipsam casam sancti Petri vel ad ipsam cellam, cum Dei adiutorio proficiat in augmentis. Donamus ad Novum sartum medietatem de illa silva, ubi illi fratres vel illorum homines ad ipsam casam sancti Petri madramen possint facere. Donamus etiam illas res Sancti Remigii, cum ipsa basilica in Sigeio constructa, vel quicquid ad hoc aspicit, vel quod usque nunc Adventius per beneficium tenuit Sancti Stephani. Donamus etiam in ipso Sigeio vineas quatuor cum vinitoribus, et illorum mulieres, et illorum mansos, et illorum sortes. Hec sunt nomina eorum: Harduinus, vinitor; uxor sua epistolaria; Erlofridus, vinitor; uxor sua Raganlindis; Erlulfus, vinitor; uxor epistolaria; Wandelbertus, vinitor; uxor sua epistolaria. ln ipsa villa donamus ancillas his nominibus: Amelbergane ancilla, Rigobertane ancilla, Eminane ancilla, et illam decimam de illis vineis dominicatis, taro de vino quam de annona, aut aliunde. Donamus etiam ad Castellum vineas tres euro vinitoribus, et illorum uxores, et illorum mansos vel illorum sortes. Hec sunt nomina eorum : Adelfridus, vinitor; uxor sua ancilla, nomine Gaucia; Anglifridus, vinitor, euro uxore sua; item Adelfridus cum uxore sua, Wandelbergane ancilla, et germana ancilla. Donamus etiam ad Gaudiacum illud oratorium quod est in honore sancti Andree constructum, vel quicquid ad hoc pertinet, vel quod Teudoinus per beneficium Sancti Stephani ibidem tenuit. Donamus etiam ad Cuberacum illam basilicam que est in honore sancti Martini constructa, quod Candidianus cancellarius per beneficium tenuit, vel quicquid ad ipsam basilicam aspicit, ad ipsam casam sancti Petri, et ad illos fratres vel monachos proficiat in augmentis; et illa decima de prunido, de annona, de feno, de vaccis, de porcis, de vervecibus, vel de iumentis, vel aliunde, ad ipsam casam iamdictam proficiat in augmentis. Donamus etiam illam decimam de Miliriaco, de illo vino quod ibidem annis singulis collectum erit. Donamus etiam supra Musellam villam Cluserado cum illo villacerlo qui dicitur Riviniacus, cum mansis, curtilis, ortilis, domibus, edificiis, terris, campis, pratis, vineis, silvis, cultis et incultis, aquis aquarumve discursibus, mancipiis, litis, accolabus, epistolariis, peculiis utriusque generis sexus, mobilibus et immobilibus; vel quicquid in ipsa fine casa Sancti Stephani habere videtur, ad ipsam casam sancti Petri, vel ad ipsam cellam, sicut superius dictum est, ad ipsos monachos vel ad ipsos fratres proficiat in augmentis. Donamus etiam illam decimam de illo vino de Bredraculo, totam, annis singulis. Hec omnia superius intimata ad ipsam Gorziam, vel ad illos monacos et pauperes ibidem elemosinam sperantes, omni tempore proficiat in augmentum. Si quis vero ex successoribus vel fratribus meis predicti cleri Metensis, seu quelibet persona, contra huius testamenti mei paginolam venire temptaverit, aut aliquid exinde facere voluerit, absque mea voluntate minuere conatus fuerit, aut devotionem meam in omnibus adimplere noluerit, vel sacramenta supra intimata observare contempserit, dum maledicere quemquam nolo, nichilominus noverit se in tremendum diem iuditii, ante tribunal Christi, mecum ex hoc causaturum; et ut omni tempore hec paginola testamenti nostri maneat inconvulsa, manu propria eam roboravi, et fratribus nostris, vel reliquis bonis hominibus qui consentientes fuerunt, affirmandum rogavi.
Actum apud Andernacum, in palatio, publice, anno ab incarnatione Domini DCC° XLV°, indictione XIII2, epacta XIIII2, concurrente IIII°, anno VI° Childerici regis, XX° die mensis maii.
Sigillum illustris viri Pipini, maioris domus.