Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 252
Datierung: 797 10 24
In nomine patris et filii et spiritus sancti. Licet parva et exigua sunt, que pro inmensis peccatis meis et debitis offerimus, tamen pius dominus noster Iesus Christus non quantitatem muneris sed devotionem animi perspicit offerentis. Ideoque in dei nomine ego Adalleicus dono ad monasterium sancti Bonifatii, quod dicitur Fulda, ubi ipse sanctus dei martyr ac gloriosus requiescit in corpore et ubi nunc Baugulfus abbas preesse videtur, hoc est quod dono in Mogontia civitate aream I cum casa, cui est ex tribus lateribus sancti Martyni, quarto latere domni regis. Et dono in pago Wormacinse in Harahesheimo marca vineam I et terra araturia iugera II, ita ut ab hodierno die supradicti monasteri rectores vel custores illius habendi, dominandi, possidendi vel quicquid exinde facere voluerint, in omnibus habeant potestatem. Si quis vero, quod futurum esse non credo, si ego ipse aut aliquis de heredibus meis vel quislibet ulla opposita persona extranea, qui contra hanc donationem venire temptaverit, iram dei omnipotentis incurrat et ab omni loca sanctorum excommunis appareat, et tamen donatio hec omni tempore firma permaneat, stipulatione subnixa. Facta kartula donationis sub die VIIII. kl. novembr. anno XXX. regnante domno nostro Carlo glorioso rege. Ego Hiltibaldus rogatus scripsi et notavi diem et quo supra. Signum † Adalleici, qui hanc donationem fieri rogavit. † Hattoni comitis. † Grimoldi. † Hadufridi. † Utoni. † Waluramni. † Ercanbercti. † Willinandi. † Hiltbodi †.