Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 164
Datierung: 785 06 19
b) Oportunum est unicuique, dum in hac mortali corpore vivit, de futura vita, ubi inmortaliter perpetueque vivere sperat, dum licet cogitare. Ideoque ego Huchus dono pro anima mea seu pro anima filii mei Hahichone pro aeterna indulgentia peccatorum nostrorum ad monasterium, quod dicitur Fulda, quod est in honore sancti Bonifatii et sancti salvatoris, in pago, qui dicitur Grapfeld, et caeterorum sanctorum, ubi in dei nomine Paugolfus abbas una cum monachis suis ibidem consistentibus regulariter degree videtur, donatumque in perpetuum esse volo, hoc est in pago Alsecinse in villis denominatis in Ostheim et in Chanaesheim et in terminis earum, id est cum terris, domibus, aedificiis, acolabus, mancipiis, vineis, silvis, arealis, casis, casa1is, campis, pratis, pascuis, aquis aquarumve decursibus, quantumcunque in ipsis terminis homine meo Badurico condonavi in beneficio meo, cum omnibus adiacentiis ad beneficium ipsum pertinentibus, totum et integrum, in ipsa marca Onchiisasheim, vinea una, quam ipse in beneficio tenuit, in loco, qui dicitur Sichohol-desberga, quantum ibidem vineas in beneficio meo ipse Baduricus tenuit, ad integrum, a die praesente ad ipsum locum sanctum trado atque transfundo, ut ab hac die ipsas res superius denominatas ipsa casa dei vel congregatio eius teneant atque possideant et eorum successoribus Christo propitio dere1inquant, et faciendi, quod voluerint, liberam habeant in dei nomine potestatem. Si quis vero, quod futurum esse non credo, ipse aut haeredes mei vel ulla opposita extranea persona, qui contra hanc donationem a me factam venire temptaverit aut irrumpere voluerit, tunc inferat vobis et vestris successoribus dupla repetitione sociante fisco auri libras X, argenti pondera X coactus exsolvat et, quod repetit, evindicare non valeat, sed praesens donatio omni tempore firma sit cum stipulatione subnixa. Actum ad Patrebrunna XIII. kl. iulii anno XVII. regni domni nostri Caroli regis Francorum. † Signum Huges, qui hanc donationem seu testamentum fieri rogavit. † Widerico. † Winihardo. † Wilone. † Hericherno. † Haimerico. † Oaticone. † Waltberto. † Rodfrido. † Adalberto.