Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 88
Datierung: 779 06 29 (05 30?)
In nomine patris et filii et spiritus sancti. Licet parva et exigua sunt, que pro inmensis peccatis et debitis offerimus, tamen pius dominus noster Iesus Christus non quantitatem muneris sed devotionem animi perspicit offerentis. Ideoque ego Geilrat et Elisabeht sana mente sanoque consilio pro malis peccatis nostris, ut in futuro veniam aliquam promerire mereamur, donamus ad ecclesiam sancti Bonifatii, ubi ipse requiescit corpore sacro, in Mogontiarum marcu areas tres - de duobus areis ab uno latere habet Lantswind, ab alio latere sancti Bonifatii, tertio et IIII. via communis; et de tertia area ab uno latere habet Ata, ab alio Lantswind, tertio latere strata - et in Mogontia vincam I - ab uno latere habet Geila, ab alio latere sancti Albani, tertio latere antiqua mura, quarto latere via communis - et aliam vineam foris murum - ab uno latere habet Geila, ab alio latere Lantswind, latere tertio sancti Albani, quarto latere strata - et in Brezzenheim vineam tertiam - ab uno latere habet Geila, ab alio latere meum ipsius, tertio latere Landswind, IIII. parte strata -; et dono in Mogontiorum marcu iugera LX et mancipia XII: Wigheri, Reginbald, Williheid, Doda, Gerlind Hun, Hruodolf, Lingolf, Liobheri, Gebarat, Guntlind, Biliheid, ita tamen, ut, dum advixerimus, ego Geilrat et Elisabeht et Lantswind habeamus et post obitum nostrum habendi, donandi, vendendi vel quicquid exinde facere voluerint, liberam in omnibus habeant potestatem. Si quis vero, quod fieri non credo, si ego ipse aut aliquis de heredibus meis, qui contra hanc donationem venire temptaverit, iram dei incurrat et insuper inferat fisci dicionibus auri uncias duas argenti pondera IIII coactus exsolvat et nec sic, quod repetit, evindicare non valeat, sed presens donatio hec omni tempore firma et stabilis permaneat, stipulatione subnixa. Facta donatio hec sub die III. kl. iul. anno XI. regnante domino nostro Karlo glorioso rege. Ego Welimannus scripsi et notavi diem et tempus quo supra. † Signum Geilrata, qui hanc donationem fieri rogavit. † Elisabeht. † Lantswind. † Otacar. † Waluram. † Hrihbald. † Adalpraht. † Erchanpraht. † Waning. † Sigiman. † Adalfrid †.