Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 50
Datierung: 770 12 20
In Christi nomine. Si aliquid de rebus nostris locis sanctorum vel in substantia pauperum conferimus, hoc nobis procul dubio in aeterna beatitudine retribuere confidimus. Idcirco in dei nomine Folcradus et Agilolfus in amorem domini nostri Iesu Christi donamus illam rem, quam Irminolfus nobis tradidit in pago Spirinse, hoc est in villa Fridolfeshaim, in Didineshaim, in Ginnanhaim a in vineis illam medietatem donamus ad sanctum Bonifatium ad monasterium, quod dicitur Fulda, pro animam ipsius Irminolfi, hoc est quod ei legibus convenit tam terris, mansis, domibus, aedificiis, accolabus, mancipiis, vineis, silvis, pratis, pascuis, aquis aquarumque decursibus, omnem medietatem in illis locis superius denominatis trademus atque transfundimus, ea vero ratione ut ab hac die ipse locus sanctus vel custodes eius haec omnia teneant atque possideant vel quicquid exinde elegerint ad faciendum, liberam et firmissimam in omnibus habeant potestatem. Si quis vero, quod futurum esse non credimus, si nos ipsi, quod absit, aut aliquis de heredibus nostris vel proheredibus seu qualibet persona calliditate commotus aut cupiditate preventus contra hanc kartam donationis nostrae, quod spontanea voluntate propter nomen domini decrevimus, venire aut eam infrangere conatus fuerit, iram trinae maiestatis incurrat et cum supra scripto sancto Bonifatio ante tribunal Christi deducat rationem et insuper inferat partibus ipsius monasterii cum cogente fisco auri libras X argenti pondera XX et quod repetit, evindicare non valeat, sed presens donatio haec omni tempore firma et inviolata permaneat, stipulatione subnixa. Actum Wangiona civitate publicae sub die XIII. kl. ianuarias anno III. regnante domno nostro Karolo rege. † Folcradus. † Agilolfus, qui hanc kartam donationis fieri rogaverunt. † Baugolfi comitis. † Warinharii. † Ermberctus episcopus. † Gundwinus. † Ulfridus †. Ego Iaebo presbiter et ammanuensis hanc kartam donationis scripsi.