Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 41
Datierung: 76[3] 08 31/28?
Domino magnifico fratri Lulloni episcopo in Christi nomine ego Laidratus comis. Fingit mos legum, ut iura sunt inter emptorem et venditorem, ut sollempni scriptura firmetur et nec detrahendi nec repetitio conparandi alicui esse, videatur formido. Ideo vendidimus tibi intus muro Mogontie civitatis publice aream unam; hec sunt adfines: de una parte Adalprahti, de alia parte Folcholti, tertia parte fluvius Rin, quarta parte via communis, sicut inter nos conplacuit atque convenit, ut inter auro et argento probatas atque pensantes numero de pretio sancti Bonifatii martyris libras III dedimus tibi, ita tamen ut ab hac die habendi, donandi, vendendi seu commutandi vel quicquid exinde facere volueritis, liberam ac firmissimam in omnibus habeatis potestatem. Et, quod fieri non credo, si quis ex hoc ullo umquam tempore voluerit inpulsare aut infestare, noverit a me vel ab heredibus meis vobis vel heredibus vestris tantum et alterum tantum vel quantum ipsa res meliorata valere poterit, se esse redditurum stipulatione firmitatis subnixa. Facta vendicio sub die II. kl. septembris anno XII. regni domni Pippini regis. Ego Wolframnus emanuensis rogatus scripsi et notavi diem et tempus quo supra. † Signum Laidrati comitis, qui hanc vendicionem scribere rogavit. s. Irminswindae. s. Reginolt. s. Otacar. s. Hariberaht abbas. s. Getto. s. Williheri. s Liubilo.