Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 33
Datierung: 759 10 01
In nomine patris et filii et spiritus sancti. Licet parva et exigua sunt, que pro inmensis peccatis et debitis offerimus, tamen pius dominus noster Iesus Christus non quantitatem muneris sed devotionem animi perspicit offerentis. Ideoque ego Ratharius sana mente sanoque consilio pro malis peccatis meis, ut in futurum veniam aliquam promerire merear, hoc est quod dono ad monasterium sancti salvatoris et sancti Bonifatii martyris Christi, quod est constructum super fluvium Fulda, aream I intus muro Mogontiae civitatis publicae, que est adfinis de una parte via publica, de alia parte Mahthildae, tertia parte mei ipsi, quarta parte puteus antiquus, totum et integrum a die presente ad iam dicto monasterio supradictam rem habeatis, teneatis, possideatis vel quicquid exinde facere volueritis, liberam ac firmissimam in omnibus habeatis potestatem. Si quis vero, quo futurum esse non credo, si ego ipse aut aliquis de heredibus meis vel proheredibus seu quislibet ulla opposita persona extranea, qui contra hanc donatione venire aut eam inrumpere voluerit, inprimitus iram dei omnipotentis et trinae maiestatis incurrat et ab omni loca sanctorum excommunis appareat et insuper fisci dicionibus auri uncias V argenti pondus X multa conponat, et quod repetit, evindicare non valeat, sed presens donatio ista omni tempore firma et inviolata permaneat, stipulatione subnixa. Facta donatio sub die kl. octubris anno VIII. regni domni nostri Pippini regis. Ego Wolframnus emanuensis rogatus scripsi et notavi diem et tempus quo supra. † Signum Hratharii, qui hanc donationem fieri rogavit. Signum Heribrahti filii sui.