Urkundenbuch des Klosters Fulda; Teil: Bd. 1., (Die Zeit der Äbte Sturmi und Baugulf) (Ed. Stengel) Nr. 28
Datierung: 756 02 22
In nomine patris et filii et spiritus sancti. Licet parva et exigua sunt, quae pro inmensis peccatis et dibitis offerimus, tamen pius dominus noster Iesus Christus non quantitatem muneris sed devotionem animi perspicit offerentis. Ideoque ego Herimot sana mente sanoque consilio pro malis peccatis meis, ut in futurum veniam aliquam promerire merear, dono ad monasterium sancti salvatoris et sancti Petri et sancti Bonifatii, ubi ipse domnus corpore requiescit sacro, quod est constructum in pago Grapfeld super fluvium Fulda, hoc est quod dono in pago Wormacinse in Teinenheimo marca vineam unam, cui sunt adfines de una parte Ermenfridi, de alie parte Deodoni, tertia parte Adalulfi, quarta parte via cum muro usque in viam puplicam, totum et integrum a die presente ad supra dicto monasterio sancti Bonifatii predictam rem habeatis, teneatis, possideatis vel quicquid exinde facere volueritis, liberam ac firmissimam in omnibus habeatis potestatem. Si quis vero, quod futurum esse non credo, si ego ipse, quod absit, aut aliquis de heredibus meis vel proheredibus seu quislibet ulla persona opposita extranea, qui contra hanc donatione venire aut eam inrumpere voluerit, inprimitus iram dei omnipotentis et trinae maiestatis incurrat et ab omni loca sanctorum excommunis appareat, insuper ad iam dicto monasterio auri uncias II, argenti pondera IIII cum multa conponat, et quod repetit, evindicare non valeat, sed presens donatio hec omni tempore firma et stabilis permaneat, stipulatione subnexa. Actum Mogontie civitatis publice sub die VIII. kl. martias anno V. regni domni Pippini regis Francorum. Ego Wolframnus emanuensis rogatus scripsi et notavi diem et tempus quo supra. † Signum Herimoti, qui hanc donationem scribere rogavit. † Folcholti. † Herirato filio suo. † Irminhilt. † Sigimunt. † Folchart. † Willihart. † Danghilt. † Pachilt. † Folmot.