Bischof Gottschalk tauscht von dem Unfreien Rihker Besitz zu Riedersheim und Grucking gegen anderen zu Berg.
Datierung: 994-1005
Notum sit omnibus Christi fidelibus, qualiter placuit atque convenit inter venerabilem Koteschalhum episcopum et quondam servum Rihker dictum quandam commutationem facere quam et fecerunt. Tradidit namque idem iam nominatus servus talem proprietatem qualem habuit in loco Ruothrihesheim, id est iugera XII et ad Cruccinga iugera VIII in manus episcopi pretitulati et advocati Odalscalchi ad aecclesiam sanctae Mariae sanctique Corbiniani perpetim existendum. Econtra prenominatus presul cum manu advocati sui in loco Peraga dicto curtiferum I et iugera XVIII eidem servo in proprietatem retradidit. Testes Walto. Diothoh. Humpreht. Isampreht. Helmmuni. Reginpreht.