Bischof Abraham tauscht von dem Edlen Erchanger Liegenschaften zu Sendling und Pasing gegen andere zu Indersdorf.
Datierung: 972-976
b) Notum sit omnibus Christi fidelibus presentibus scilicet et futuris, qualiter Abraham venerabilis episcopus Frigisingensis aecclesiae et quidam nobilis vir nomine Erchanger quandam commutationem facere volueruntsicut et fecerunt Tradidit igitur prefatus nobilis vir quicquid proprietatis habuit in duobus locis ad Sentilingun et Pasingun cum curtiferis aedificatis et arabilis terrae hobas IIII et dimidiam cum omnibus rebus ad predicta loca pertinentibus in manus prefati episcopi et advocati sui Paponis ad ecclesiam sanctae Mariae sanctique Corbiniani confessoris Christi perpetualiter existendum Econtra vero in recompensatione eiusdem commutationis prenominatus laudabilis episcopus unâ cum manu pretitulati advocati sui in loco Undiesdorf dicto aecclesiam I decimatam cum tribus domibus et arabilis terrae hobas III cum curtiferis omnibusque rebus iure ac legabiliter ad eundem locum pertinentibus eidem Erchangero evis temporibus in proprietatem tradidit habendum et exinde quicquid libuerit faciendum absque iugeribus que iacent cis rivulum Guttinespah in aquilone.Unde - possideat (= 1055) Unde et duas commutationes inter se fieri voluerunt pari tenore conscriptas, ut uterque quod ab altero accepit firmiter teneat atque possideat). Isti sunt testes per aures tracti sicut mos est Baioariorum Papo. Jacob. Diotrich. Meginhart. Ŏdalscalch. Arnis et alii.