Le comte Eudes, à la prière de Gérard, son vassal,
affranchit un serf, nommé Herbert, pour qu'il puisse recevoir les ordres
sacrés.
Datierung: 1016
Ausstellungsort: Vendôme
Quisquis in nomine sanctae et individuae Trinitatis, caritate compunctus, aliquem ex servili familia a jugo servitutis ad honorem libertatis accedere permiserit, pro certo confidat se in die novissima perpetua et celesti libertate donari. Quod ego quidem, Odo, gratia Dei comes, mente pertractans, favente ac deprecante fideli meo Gerardo, quendam famulum, nomine Heribertum, ex familia Sancti Aniani ortum, ad sacros ordines promovendum, propter amorem Dei, facio liberum; sitque ab hodie liber ac si ab ingenuis parentibus fuisset genitus; habeat vias quadrati orbis apertas, nullo contradicente. Et ut haec libertatis carta firma sit, manu propria subter eam firmavi.
Signum Odonis comitis, qui hanc firmavit cartulam.
S. Gerardi. S. Alberici. S. Rotgerii. S. Gilduini. S. Gualcherii. S. Adelonis. S. Ragenarii. S. Gaufridi. S. Huberti. S. Gaufredi. S. Galterii.
Actum Vindocino castro, anno xx regnante rege Rotberto. Vivianus signator scripsit.