Les comtes Thibaud et Eudes, à la prière de Gédouin,
chevalier, leur vassal, acensent à l'abbaye de Marmoutier huit arpents de
prés appartenant à la petite abbaye de Saint-Venant et sis à la
Tour-Maillé.
Datierung: 995-1004
In nomine sanctae Trinitatis et individuae Unitatis, ego Tetbaldus et Odo comes, volumus fieri praecognitum proli sanctae Dei Ecclesiae atque presentibus fidelibus necnon et futuris, maximeque nostris successoribus, quoniam deprecatus est nos quidam miles noster satisque fidelis, Gelduinus nomine, uti, ex rebus sibi conlatis nostri servitii debito, scilicet pertinentibus ad abbatiolam Sancti Venantii et nostri proprii juris, octo etiam arpennes de pratis, sub constitutione census reddendi, loco Domni Martini Majoris Monasterii atque monachis ibidem Deo famulantibus, tam presentibus quam posteris, per nostrae auctoritatis testamentum concederemus. Quod et nos benivolo animo presens manifestat auctoritas fecisse. Sita sunt equidem hec prata in pago Turonico, in loco qui nuncupatur Ad prata Turris Malliacensis; terminantur haec tribus partibus a predicta terra; quarta vero fronte Sancti Martini Novi Castri terminantur. Eo namque tenore haec eadem concessimus eis, ut habeant licentiam faciendi super his quodcumque maluerint , et studeant annuatim ad missam Sancti Martini ibernali tempore nobis ac successoribus nostris qui eadem regere videantur, reddere censum scilicet denariorum solidos duos, et amplius non requiratur. Et si de eodem censu neglegentes aut tardi reperti fuerint, liceat cis hoc emendare ad tempus. Si autem ego ipse, aut ullus ex heredibus meis, seu aliqua intromissa persona hanc donationem calumniari presumpserit, iram Dei · omnipotentis et sanctorum omnium incurrat.
S. domni Tetbaldi comitis et fratis ejus Odonis.
S. Gilduini militis, qui fieri rogavit.
S. Gauzberti sui hominis, qui de eo in beneficio tenet.
S. filii Gilduini.
S. Rotberti. S. Alberti. S. Guicherii. S. Hugonis clerici. S. Alcherii. S. Malonis. S. Radulfi. S. Fulberti. S. Gilii. S. Gauzfredi. S. Gerardi. S. Hylgodi. S. Balduini.