Datierung: [852 06 20–853 06 19]
Domino in Christo patri Hethi venerabili dyacono ac donatori. Ouicquid unusquisque homo de rebus suis propriis ecclesiis Dei condonaverit, hoc sibi credit mercedis premium accipere in futurum. Ideoque ego Hethi dono hereditatem meam ad monasterium sancti Willibrordi, ubi ipse pretiosus corpore requiescit, in loco qui dicitur Biveren sive Medianum montem, quicquid ibi comparavi in casis, casalis, terris cultis et incultis, silvis, pascuis, adiacentiis, aquis aquarumve decursibus, totum et ad integrum, quicquid aliquando ibidem visus fui habere vel possidere, trado atque transfundo partibus ecclesie sancti Willibrordi, ut ab hodierno die et tempore habeat, teneat pars prefate ecclesie, et de meo iure et dominatione in illius plenissime transeat potestatem. Nam si fuerit quispiam, quod fieri non credo, de heredibus vel propinquis meis seu quelibet ulla opposita persona, que contra hanc traditionem a me promptissima voluntate factam venire voluerit aut eam irrumpere vel immutare conaverit, inprimis iram Dei omnipotentis incurrat. Actum anno XIII regnante Lothario imperatore.