Datierung: [715–716]
Ausstellungsort: Bitburg
In nomine domini Dei nostri Ihesu Christi. Ego itaque Arnulfus dux, filius Drogune quondam ducis, pro animae meae remedio vel eterne retributionis dono per hanc cartulam testamenti ad monasterium Esternacum, quod est constructum in honore sanctorum apostolorum Petri et Pauli, ipsum monasterium est constructum super fluvio Sura, ubi Willibrordus episcopus custos preesse videtur, dono in villa cui nomen habet Bollanevilla, hoc est tam casis, mansis, campis, pratis, silvis, pascuis, aquis aquarumve decursibus, mancipiis ibidem aspicientibus, quantumcumque ibidem in ipsa villa Bollane mihi legibus obvenit, mea portione in integrum dono ad ipsum monasterium vel ad ipsa loca sancti Petri et sancti Pauli dono, trado, ut ab hac die presente ipsa res subscripta ipsa loca sancta vel ipsi monachi omni tempore habeant, teneant, possideant et suis possidendum successoribus derelinquant. Si quis vero, quod fieri non credo, vel nos aut aliqui de heredibus nostris vel ulla opposita persona contra hoc testamentum venire temptaverit vel emutare voluerit, inprimis a sancto Petro et ab sancto Paulo excommunis fiat et insuper inferat fisco auri libras duas, argenti pondo tris et quod repetit non valeat evindicare. Et ut hoc testamentum apud loca sanctae firma et stabilis permaneat, manu propria subter scribimus et testes qui subscriberent vel signarent in presenti rogavimus, stipulatione subnixa. Actum publice castro Bedinse. Anno et tempore quo supra.