Ad clementiam vestram, piissime imperator, ego. inutilis Victor atque in episcoporum ordine ultimus, non levitate aliqua, sed potius constrictus necessitate, confugium feci petens, ut ob amorem omnipotentis dei coeptam de nobis peramplificare dignemini mercedem. Sepius, domne, clementiae vestrae pro. disstructione ecclesiae nobis vestra dominatione commisse aures inquietare praesumsimus, si rememorare dignamini, non pro. seculi inanem, adipiscendo. gloriam, sed pro. ministerio nobis iniuncto et fidem erga deum primitus et vos salvando nostram. Quanta, domine, et qualis et quo ingenio facta ibidem latet malicia et qualem post illam divisionem vel ordinationem bone memoriae genitoris vestri Karoli nos ipsi passi sumus et adhuc patimur per breves nostros clementiae vestrae multis iam vicibus innotuimus. Decrevit namque sacra sollicitudo vestra hoc diligenter inquirere et emendare, sed peccatis nostris inpedientibus nec missus non venit ullus nec emendatio nulla est facta, crevit pocius ipsa malicia quam cessavit. Ad ultimum vero. cum Hlotharius dilectus filius vester per fines illos transiret, omnium sacerdotum clericorum atque sanctimonialium turba ad eum cucurrit distructionern tocius sacri ordinis ei nuntiantes, ut ipse apud clementiam vestram intercessor existeret et cum ipso Franchonefurt ad vestigia vestra pervenimus, quatenus pietas vestra per fideles deo et vobis missos hoc emendaret, et liceret nobis ita vivere quemadmodum etiam nostri ordinis viri vivunt absque contentionibus pravis vel rixis. Decrevistis [igitur] … [misso]s illo. dirigere nominatim. Et tempus quando illic venirent vestra celsitudo ... it. Actenus nescimus, a quibus dilatata est vel protelata causa ipsa, ita ut nec missus veniret ullus nec iustitia pro tam longeva proclamatione fieret ullu his, piissime imperator, tot [et tocies] expectando maceratus angustiis ad magnam corpusculi mei debilitatem vel etiam ... onem perveni, timens ergo miser, ne hoc ipsud quod nobis de praeda illa remansit res vel familia amplius deperirent, petivi vicarium ad predictas res vel familia guber ...
