Engilbolt, Priester, entlässt verschiedene Personen der Hörigkeit unter der Bedingung, dass sie jährlich an den Altar des heiligen Martin in die Kirche zu Maur 1 Denar in Geld oder Wachs bezahlen
Datierung: 963 06 05, 963 06 12, 963 06 19 o. 963 06 26
Ausstellungsort: Zürich
Notum sit omnibus presentibus scilicet et futuris, qualiter ego Engilbolt, indignus presbyter, augmentum cogitans anime mee propria iuris mei mancipia sic nominata: Walterat, Ruotsint, Engildiu et Adilman iugo servitutis ex parte absolvere pro dei amore cogitavi, quod ita cum manu advocate mei Landrici perpetuavi in eo videlicet rationis tenore, ut prenominata mancipia ad ecclesiam, que constructa est in loco qui dicitur Mure, ad altare sancti Martini ad missam eiusdem sancti singulis annis censum persolvant, id est singuli unum denarium sive in argento sive in cera, et huiusmodi censum persolvendo liberi exeant, quocumque eis placuerit loco; muntpurdium et defensorem, ubicumque eis placuerit, elegant post vitam meam sine ullius contradictione Actum in loco, qui dicitur Zuric, in collo fluminis in atrio sancti Petri presentibus quam plurimis, quorum nomina subnotantur Signum mei ipsius Engilboldi, qui cum manu advocate mei Landirici hanc cartulam libertatis scriber rogavi. Signum aliorum: Periker, Landirihc, Ato, Wielant, Smido, Periker, Thietrihe, Wilhere, Kecilin, Nortpret, Landolt, Thiethart, Sigimunt, Wichart, Fridiger, Smido, Racholt, Hunolt, Wilhelm, Winimunt, Acilan. Ego itaque Eberhardus cancellarius scripsi et subscripsi notavi diem et mensum et annum, die Veneris, mense Iun anno ab incarnatione domini DCCCCLXIIII., regnante rege Ottono, sub duce Purchardo et sub comite Purchardo et sub advocato Utono.