Notum facere cupimus tam presentibus quam futuris, qualiter ego Meginhard et UUolf tradidimus partem hereditatis nostre ad eclesiam sancti salvatoris que est constructa in pago Riporum, in loco qui dicitur UUerithina; hoc est quod tradidimus: X porcorum pascuam in silva Uuiti pro remedio anime nostre; traditumque in perpetuum esse uolumus et propriis manibus nostris firmauimus, presensque traditio firma permaneat, stipulatione subnixa.
Acta in UUerithina monasterio, III nonas kalendas decembris, anno II regni domni Hlotharii regis, indictione V. Signum Meginhardi et UUolfi qui hoc tradiderunt in Uuiti. Signum Raduni. Signum Frithubaldi. Signum Nunni. Signum Heribaldi. Signum Gerbaldi. Signum Salabaldi. Signum Bernnuni. Ego Thiathardws subdiaconus scripsi et subscripsi