Notum fieri cupimus omnibus tam presentibus quam futuris, qualiter ego Theodold et frater meus Thrudger, filii quondam UUiggeri, tradidimus partem hereditatis nostre pro remedio anime matris nostre, nomine Ricburg, ad reliquias sancti salvatoris que sunt constructa in pago Ruriggo, in loco qui dicitur UUerithina, super fluuio Rure, in supramemorato pago, in villa qui dicitur Uuiti ad XX porcos pastionem; traditumque in perpetuum esse uolumus et prumtissima uoluntate confirmamus, stipulatione subnixa.
Actum in UUerithina monasterio, ubi conscripta est sub die XV kalendas nouembris, anno XXIII domni Hludouuici imperatoris, indictione XIIII. Signum Theodoldi et Thrudgeri qui hanc traditionem fieri rogauerunt et propria manu firmauerunt. Signum Meginhardus. Signum UUolf. Signum Theatradi. Signum Hrodberti. Signum Helmberti. Signum Hildibaldi. Signum Heribaldi. Ego Thiadgerus indignus subdiaconus scripsi et subscripsi.