Un chevalier, nommé Corbon, remet a Saint-Julien divers droits qu’il
percevait dans les villas de Meré et de Saunay.
Datierung: 984
XP. Notitia rei gestae qualiter anno Incarnationis dominicae D CCCC LXXXIIII venit quidam miles, nomine Corbo, in monasterium Sancti Juliani, et propria ductus voluntate, pro amore omnipotentis Dei et pro redemptione animae patris sui et matris suae ceterorumque fidelium morum, et precipui Milesendis dilectae uxoris suae, quosdam redditus quos, vel juste vel injuste ex potestate Sancti Juliani exigebat, remisit et indulsit eidem Sancto Juliano et servientibus sibi Monachis, ita ut ab hodierno die et deinceps, ex villa Mairiaco, vel ex potestate de Sulnaco, nullum servitutis obsequim, aut ipse aut aliquis sibi subjectus exigat vel requirat. Quod si vero in diebus ejus aut post eum extiterit aliquis qui eundem beneficium promeruerit et hanc remissionis obsequii vel donationis notitiam, quolibet modo infringere temptaverit, in primis iram omnipotentis Dei et Sancti Juliani omniumque sanctorum offensam incurrat, suaque repetitio nullum effectum obtineat, sed in perpetum haec notitia manibus virorum bonorum corroborata, firma et stabilis omni tempore vigeat et permaneat. Simili modo, pro amore Dei, promisit et concessit jam dictus. Gorbo, ut supra scripti monachi Sancti Juliani mansile suum vocabulo Gaudiacum, quod est juxta silvam ipsius Corbonis excolerent et cultores habundanter illuc introducerent, nemine eis contradicente vel resistente. Si vero exinde aliquis eis contrarius extiterit, contrarius sibi Deus omnesque sancti ejus existant, nisi cito resipuerit et ad emendationem pervenerit. Et ut haec omnia firmitate et stabilitate obtineant, manu propria ea firmavimus, manibus que fidelium nostrorum affirmari rogavimus.
Signum Corbonis qui hanc notitiam fieri jussit et ipse manu propria eam firmavit.