Donation a Saint-Julien par Girard d’un aleu nommé Taiseis, situé sur la
dême, dans le pagus du Mans.
Datierung: 967 03
XP. Dum unusquisque mortalium vivit atque libera potest uti potestate, cogitare debet quemadmodum de terrenis atque caducis adquirat celestia, quapropter, in Dei omnipotentis amore, ego Girardus, Sancti Martini canonicus et sacerdos, cogitans de Dei timore ac aeterna retributione, pro remedio animae meae et parentum meorum; videlicet Archembaldi, patris mei ac genetricis meae Ingelradae, seu etiam Rotberti fratris mei, et ceterorum parentum meorum, dono donatumque in perpetuum esse volo, ecclesiae Santi Juliani, ad monachos scilicet ibidem domino deservientes, in victualibus, stipendiis et luminaribus ecclesiae, ceterisque utilitatibus, perpetualiter ad habendum, partem rerum mearum, hoc est alodum meum, nuncupantem Taiseis, quem datis pretiis, comparavi de Bernuino clerico, situm in pago Cinomannico, super fluvium Dimediae, cum terris cultis atque incultis, et silva ad saginandos porcos CCCC; et prata, tam culta quam inculta, et cum area ad molendinum faciendum in supradicto fluviolo; cum aquis aquarumve decursibus, mobilibus et inmobilibus, perviis et exitibus, et cum aliis adjacentiis et utilitatibus ad ipsum pertinentibus; atque de jure meo et potestate in partes Sancti Juliani et monachorum ibidem domino deservientium totum penitus trado atque transfundo; ita ut ab hodierna die et deinceps, faciant ex supradicto alodo quicquid voluerint jure proprietario. Quod si aliquis de heredibus meis, vel aliquis intromissa persona, post decessum meum extiterit, qui calumpniam ex ista donatione Sancto Juliano et monachis ibidem Deo deservientibus inferre voluerit, cum diabolo et sotiis ejus in inferno deveniat dampnandus, neque quod repetierat assequatur; sed insuper XV libras auri, pro illata calumpnia componat. Hanc autem donationem a nobis factam manu propria firmavi, et ceterorum bonorum virorum manibus consignari jussi.
Signum sancte crucis domni Hugonis Francorum ducis.
Signum Girardi canonici Sancti Martini presulis, qui hanc donationem Sancto Juliano dedit.
Signum Hugonis, Cinomannorum comitis. Signum Hugonis, filii ejus. Signum Fulcuini, filii e[jus similit]er.
Signum Tetbaldi comitis. Signum Odonis, filii ejus. Signum Gualterii comitis.
Signum Burchardi comitis. Signum Walaramni comitis. Signum Hilduini comitis.
Signum Gauzfredi comitis. Signum Adelelmi vasalli. Signum Rodulfi vicecomitis.
Signum Arduini episcopi. Signum Corbonis, fratris ejus. Signum Plastulfi. Signum Gauzfredi vicecomitis.
Signum Gisloen Brittanorum episcopi. Bernuinus clericus Beati Martini subscripsit, qui ipsum alodum Girardo vendidit.
Signum Gauzcelmi fratris ejus. Signum Hugonis, filii ejus.
Data mense martio, apud Sanctum Dionisium, anno XIII Hlotharii regis.
Signum Adae, sororis Bernuini. Signum Gauzfredi. Signum Ailberti. Signum Aymerici, filiorum ejus.
Ego frater Alfredus, monachus Sancti Juliani, scripsi et subscripsi.