Iro und seine Söhne Waltili, Rihpold, Thiotker und Eburhart schenken ihren Besitz zu Fischenthal und eine Hufe zu Neschwil an Sanct Gallen, um den übrigen, von Adalbold und Rihcpold an Sanct Gallen übertragenen Besitz zu Neschwil und Lendikon einzulösen.
Datierung: 878 04 13
Ausstellungsort: Turbenthal
Notum sit omnibus tam praesentibus, quam futuris, quod Adalbold et filius eius Rihcpold tradiderunt ad monasterium sancti Galli suam proprietatem, hoc est quicquid conquisitionis vel emptionis visi sunt habere in pago Turgaugensi in locis ita nominatis, id est in Neskinwilare et in Lentichovun ea conditione, ut nepos eorum Iro ipsas res redimeret Tunc Iro et filii eius Waltili, Rihpold, Thiotker et Eburhart pro redemptione praedictae traditionis tradiderunt ad praefatum coenobium quicquid proprietatis in pago Zurihgauge in loco, qui dicitur Fiskinestal, habuerunt et insuper unam hobam praedictae traditionis Adalboldi et Rihcpoldi in Neskinwilare sitam ad ipsum monasterium contradiderunt ut caetera omnia, sicut in traditione continentur, sine censu ac sine aliqua interpellationis molestia in perpetuum possiderent ipsi et cuncta posteritas eorum post illos quod venerabilis abba Hartmodus una cum consensu fratrum et advocati sui Heiter clementer concessit eis Actum in loco, qui nominatur Turbata publice, praesentibus quorum hic signa continentur Signum Iro et filiorum eius Waltili, Rihcpold, Thiotker et Eburhart, qui hanc cartam concessionis fieri postulaverunt. † Lantolt. † Rohfrid. † Wito. † Waltheri. † Cozolt. † Plidker. † Paldolt. † Ruadpret. † Hartpret. † Liutkis. † Reginbret. † Cunzo. † Anno. † Cozram. † ....... † Rumolt. † Hildibret. † Ruadpret. † Williho. † Pernhart. Ego itaque Purgolf indignus monachus ad vicem Folchardi praepositi scripsi et subscripsi Notavi diem dominicum, id est idus april., anno II Karoli regis, sub Ruodolfo comite