Mekinhere und sein Bruder Liuto übertragen 20 Jucharte zu Oetwil und Esslingen an Sanct Gallen.
Datierung: 877 – 880 05 01
Ausstellungsort: Gossau
Ego in Dei nomine Mekinhere et frater meus Liuto. Conplacuit nobis in animo nostro, ut hereditatem nostram, quod concambiamus de monasterio sancti Galli ad easdem monasterium pro remedio anime nostre tradimus atque transfundimus insuper etiam conquisitum nostrum, quas in presenti habere visi sumus, ad supradictum monasterium, ubi Hartmuot abba et pastor sancto gregi preesse videtur, quod constructum est in honore sancti Galli. Et hoc est, quod tradimus, id est XX iuchos, preter conquisitum nostrum, id est in willa, que dicitur Otilenwillare et Escelincun in ea videlicet ratione, ut quamdiu nobis comis vita fuerit, superius denominatas res habere nobis liceat et censum singulis annis persolvere, id est denarios IIII, infantesque nostri post obitum nostrum similiter faciant omnisque posteritas, que de ipsis fuerint procreati, usque in sempiternum. Quod si posteritas legitima procreatione, quod plerumque contigit, defecerit, nullus de heredibus vel proheredibus se ibidem possit adiungere, sed ubi censum persolvebatur, illuc iam redeat in perpetuum Si quis vero, quod fieri non credo, si nos ipsi aut quislibet persona istius tradicionis firmitatem corrumpere voluerit, obviant ordines veritatis nullatenus fallationem suam perficere Actum in loco, qui dicitur Cozeshouva, in atrio sanctae Mariae publice, presentibus quorum hic signacula continentur Signum ego Mekinhere et frater meus Liuto, qui istam tradicionem fieri et firmare rogavimus. Signum aliorum testium: Huozo. Adalpreht. Erchanpreht. Wolfhart, item Erchanpreht. Hunnid. Paldine. Waltere. Perehfrid. Ekihere. Coldine. Zuppo. Perenhart. Perehtolt. Rekinbold. Notavi diem in kal. mai anno regnante rege nostro Karalo, sub comite Ruodolfo et centurio Franchoni. Ego itaque Iltibrant indignus presbiter scripsi et subscripsi