Landeloh überträgt die Kirche zu Höngg und seinen erworbenen Besitz zu Dällikon und Alles diesseits der Limmat, mit Ausnahme seines erworbenen Besitzes zu Würenlos, an Sanct Gallen und erhält dagegen einen Hof zu Wurmsbach, zwei Hufen zu Burg, eine Hufe zu Wagen, eine zu Engstringen, eine zu Affoltern und eine zu Regensdorf zu Lehen.
Datierung: 870 02 08
Ausstellungsort: Höngg
Ego in Dei omnipotentis nomine Landeloh cogitans pro remedio animae meae progenitorumque meorum trado ad monasterium sancti Galli, cui modo venerabilis abba Grimaldus praeesse dinoscitur, basilicam meam in Hoinga et adquisitionem meam in Tellinghovon et quicquid eis Lindimacum in Zurichgeuve habeo, excepta adquisitione mea in Wirchilleozha ea tamen pactione haec trado, ut diebus vitae meae ea possideam et censum inde annis singulis unum solidum persolvam Et insuper ipsius monasterii rectores quousque vixero mihi concedant res suas in beneficium, hoc est curtem in Wurmherresbach et in Burge duas hobas, in Waganon unam et in Enstelingon unam et in Affaltrahe unam et in Reganesdorf unam. Et si mater mea et presbiter meus Willeboldus me supervixerint, caeteris monasterii rebus ad rectores suos redeuntibus mater mea illam in Affaltrahe habeat et censum unum solidum reddat, illam vero hobam in Enstelingon presbiter Willeboldus cum basilica in Hoinga dies vitae suae sub censu unius solidi possideat. Illis autem defunctis omnia, quae in Zurichgeuve iuris mei fuerunt, excepta, ut dictum est, adquisitione mea in Wirchilleozha, rectores monasterii sancti Galli sibi vindicent, hoc tantum observato, ut nulli umquam in beneficium praestentur ipsae res, et mancipia, que tunc ibidem fuerint inventa, sive intra curtem sive in hobis, ad monasterium redeant. Ne quod autem scrupulum de supradicto censu nascatur, unum tantum solidum et pro meis rebus et in beneficium a predicto monasterio mihi praestitis reddere debeo. Similiter et mater mea pro meis possessionibus et supradicta hoba in Affaltrahe unum tantum solidum reddat et Williboldus unum Si quis vero huius cartae contradictor emerserit ad aerarium regis auri uncias tres, argenti pondera V coactus persolvat et haec traditio nihilominus firma et stabilis permaneat cum stipulatione subnexa. Actum in Hoinga, praesentibus quorum hic signacula continentur Signum Landelohi et advocati eius Oadalhardi, qui hanc traditionem fecerunt, et aliorum testium. † Ruochere. † Herbreht. † Wolfhere. † Perichker. † Landolt. † Heitar. † Adalbreht. † Adalbern. † Otto. † Reginger. † Egino. † Wolfhere. † Wolfhart. Ratker. † Hupreht. † Waning. † Cozhelm. † Adalhelm. † Oadal. † Undolf. † Ego itaque Notker scripsi et subscripsi Notavi diem quartam feriam, VI id. feb annum XXX regni Hludowici, sub Ruodolfo comite.