Walthram überträgt seinen erworbenen Besitz zu Aulfingen an Sanct Gallen.
Datierung: 829 04 27
Ausstellungsort: Geisingen
Ego in Dei nomine Walthrammus humilis laicus. Dum constat, quod meae conplacuit exiguitate et conpunctio evenit mentis ad limina sancti apostoli Petri peragere iter pro delictorum indulgentiam conplacuit ob hoc meo arbitrio meumconquisitionem in villa Ouvolvinga disponere pro me et patris mei vel matris meae remedium. Ideoque ad monasterium sancti Gallonis trado atque transfundo totum conquestum meum in predicta villa Ouvolvinga, tam aedificationibus, quam terris, cultis et incultis, campis, pratis, pascuis, montibus, salectis, paludibus, aquis aquarumve decursibus vel omnibus appenditiis suis cum omni integritate possidendum in eam videlicet rationem, quod si prefato itinere dies exitus mei eveniat, priusquam ad propriis revertar speluncis, et postquam germanis meis nunciatum fuerit obitus meus Pirichoni et Theodrico atque predictas res de prefato monasterio redimere velint, liberam habeant potestatem usque in annum vertentem, postquam hoc illis sciendum venerit, aut unus vel ambi cum LX solidis predictas res exinde redimere. Et si illam redemptionem post annum vertentem differant, tunc ad suprascripto monasterio firmiter et integriter predictas res permaneant. Et insuper si ipsi germani mei vel non possunt aut non volunt hoc redimere et forsitan Sigibaldo vel Isoni sive Waltfrido ipsas res redimere conplacuerit, simili modo hoc redimant cum LX solidis, ita ut super, usque in annum vertentem. Si autem clementissime Dens adventum meum ad propria decreverit et ipse ipsas res de super nominato monasterio redimere cupio, liberam habeam potestatem cum duos solidos liberare quandocumque mihi conplacuerit, et interim quod redemptum non sit singulis annis duos ob hoc reddam denarios. Si vero heres legitimus mihi evenerit, ille vero ipsum prevideat censum de predictis rebus, interim quod et hoc redimere vult, et statim si redimere velit, propriam habeat potestatem cum uno solido hoc redimere Haec cartula traditionis omni tempore firma et stabilis permaneat cum stipulatione subnixa Actum in villa, qui dicitur Gisinga, coram misso Roacharii comitis in publico placito regnante domno nostro Hludowico anno XVI gloriosissimo imperatori feliciter. Amen. Signum Waldram, qui hanc cartulam traditionis fieri rogavit. sig. Waldpret. sig. Sigabold. sig. Iso. sig. Waltfrid. sig. Piricho. sig. Theodarich. sig. Waldo. sig. Chuno. sig. Folcholt. sig. Scrot. sig. Ratpold. sig. Isanbarto. sig. Waldo. sig. Eggo. sig. Eggihart. Data in mense aprilio, V kal. mad Ego presbiter Fridahartus rogatus a Walthrammo scripsi et subscripsi