Uppert überträgt den dritten Theil seines Besitzes zu Firinisvilla und Munzach(thal) an Sanct Gallen.
Datierung: 825 05 11
Ausstellungsort: (Basel-)Augst
Idcirco ego quidem in Dei nomine Uppertus cogitavi pro anime mee remedium seu et pro eterna retributione, ut veniam pro peccatis meis in futurum adepisci merear et in diem tremendi iudicii ante tribunal Christi securus adsistam Per hanc paginem, quem ad vicem traditionis scribendam rogavi, dono a presente die peculiares mei ad eclesia sancti Gallone, qui est constructa in pago Durgauginse, ubi domnus et in Christo Gauzpertus abba preesse videtur, donatumque in perpetuum esse volo et prumtissimam voluntate confirmo hoc est omnam tertiam partem proprietatis mee in pago Auguscauginse et in villis denominatis in Firinisvilla et in Munciaco, et in Firinisvilla manso I, campis, pratis, silvis, aiacenciis et appendiciis, quultis et inquultis, aquis aquarum vel decursibus, quantumque mihi in iam dicto pago Auguscauginse advenit, tam de paternico, quam de maternico seu de comparato vel de qualecumque adtractu noscitur ad me pervenisse et ego modierno tempore visus sum tenuisse, omnam tertiam parte, sicut superius dixi ad ipsa sacra eclesia sancti Galloni dono, trado adque transfundo in Dei nomine perpetualiter ad possidendum; in ea vero ratione, ut dum ego advixero ipsas res habere debeam et censui me pro hoc annis singulis de festivitatem sancti Galloni in alia soccum I aut IIII denarios. Et si infans ex me procreatus fuerit, simile modo habeat absque meum discessum in ipso censo. Et post nostrorum discessum, quando quidem Deus voluerit, ipsi custores eclesie ipsius ipsas res ad eorum opus habeant et numquam hoc in beneficium aliu prestent Si quis vero, quod futurum esse non credo, quod si ego ipse, quod absit, aut aliquid de heredibus vel proheredibus meis seu qualibet extranea vel omissa persona, qui contra hanc traditione venire temtaverit aut eam infrangere voluerit non solum ei non liceat, sed inferat partibus ipsius eclesie duplum tantum, quantum traditio ista contenit, et in fisco auri uncias II et in argento pondera V coactus exsolvat et quod repetit evindicare non valeat, sed presens traditio ista omni tempore firma et stabilis permaneat stibulatione subnixa Actum in Augusta civitate puplici. Signum † Upperto auctore, qui hanc traditione ista fieri hac firmare rogavit. sig. † Aimeric. sig. † Deutcher. Lantfrido. sig. † Sighifrido. sig. † Ugiberto. sig. Helidulfo. sig. † Isingero. Ego Atto clericus roghitus et petitus hanc traditione ista scripsi et subscripsi Notavi quod fecit V idus mai anno XII imperii Hludowici feliciter.