Cundarat schenkt gegen lebenslänglichen Unterhalt seines Sohnes Albini seinen erworbenen Besitz zu Höchst an Sanct Gallen.
Datierung: 808 06 22
Ausstellungsort: Kloster St. Gallen
In nomine Dei omnipotentis temporibus domni Caroli piissimi imperatoris. Ego Cundarat quondam vir consilio inito, ut aliquid dedissem ad loca venerabilia pro remedio anime meae sumptoque consilio trado ad monasterium sancti Galli, ubi vir venerabilia Werdo abbas praeesse dinoscitur, omne conquestum meum, quam in Hostadio presenti die visus sum habere, tam domibus, quam etiam pascuis et pratis, terris, silvis, viis, aquis aquarumque decursibus, cultis aut adhuc quibusdam incultis Ista omnia in ea ratione trado ad praenominatum monasterium, ut filius meus Albini ibidem habeat diebus vitae suae victum et omni anno vestitum et reliqua tegumenta et locum ingredi refectorium, manducare cum fratribus ibique privitatem habeat inter illis. Et quando maturitate meritisque dignus apparuerit, ingredi iuxta morem regule in congregationem monachorum licentia ei concedatur nec ei omnimodo non negetur desiderium bone voluntatis. Et propono atque constituo, ut ab hodierno die res praenominate firmiter atque integriter perseverent in potestate sancti Galli absque ullo censu vel redimitione, sed servus ipsius domus Dei ingrediatur et ego egredior ipseque possedeat et vos habeatis in secula perpetua Si quis vero, quod fieri non credo, si ego ipse, quod absit, aut aliquis de propinquis vel parentibus meis presentem cartulam inrumpere aut contradicere voluerit non valeat perficere quod inchoavit, sed culpabilis constituatur, in aerarium regis auri untias III , argenti pondera V coactus persolvat et presens traditio omni tempore firma et stabilis permaneat cum stipulatione subnixa Actum infra ipso monasterio publice, presentibus quorum hic signacula continentur Signum Cundarati, qui hanc cartulam scribere et firmare rogavit. † Ceizzo. † Lentini. † Ruadleip. † Kcerini. † Enno. † Hartleip. † Hatto. † Witpreth. † Liuberat. † Rihker. † Wacheri. † Sigifrid. † Sigihart. † Otger. † Reginger. † Arthelm. † Ruadpold. † Paldheri. † Hunpold. † Otheri. Ego itaque Maio presbiter atque notarius anno XXVII regnante domno Carolo imperatore, X kal. iul., die iovis rogatus scripsi et subscripsi, sub Rodberto comite