Le pape Leon IX confirme les possessions des monastères de Stavelot et de Malmedy et règle l’élection de leur abbé commun.
Datierung: 1049 09 03
LEO EPISCOPUS SERVUS SERVORUM DIE THEODORICO | religioso abbati venerabilis monasterii sancti PETRI sanctique REMACLI Stabulao positi tuisque successoribus perpetuam in Domino salutem. Cum summae apostolicae dignitatis | apex in hoc divini prospectus nitore dinoscitur praefulgere, si in exercendis Dei laudibus sui impensius studebit laboris exhibere certamen, ob hoc debita nos ejusdem apostolicae pastoralis compellit | sollicitudinis [cura], quaeque ad stabilitatem piorum pertinere dinoscuntur locorum, ubertim promulgare et apostolicae institutionis censura confirmare. Igitur quia postulasti, frater, a nobis quatinus monasteria in honore sancti PETRI constructa, id est Stabulaus ac Malmundarium, sita saltu Ardennensi, privilegio nostrae auctoritatis muniremus, et quia justa visa est nobis petitio tua, assensum praebentes, per hujus nostri apostolici privilegii constitutum sanccimus atque decernimus secundum antiquorum edicta regum, id est Sigiberti, Clodouei ac Dagoberti qui et eorumdem constitutores | fuere monasteriorum, nec non et imperatorum Karoli, Loduici et Ottonis augustorum, [ut loca] vel villae aut possessiones quae a regibus, imperatoribus caeteris[ve bonis christianis] prefatis | sanctis locis largita atque oblata et in postmodum concedenda sunt, firma stabilitate perpetuoque jure inconvulsa permaneant juxta quod eadem venerabilia loca apostolice, imperiali | regioque constituto privilegioque constant munita, nec liceat cuiquam magnae vel parvae persone ex omnibus inibi pertinentibus demere quicquam. Et profecto preterea id vigilanter | huic apostolico decreto inserere atque canonica auctoritate roborare curavimus ut, defuncto per successionem abbate, secundum quod a jam dictis regibus nec non et imperatoribus est diffinitum, ex utrisque in unum caenobiis confluentibus monachis habeant sine simulatione, sine exceptione persone, sine respectu pecuniae, secundum sancti Benedicti regulam abbatem eligendi | liberrimam optionem, ea tamen preponderante ratione Malmundrensium pace ut, quia beatus Remaclus, utriusque monasterii constructor et Tongrensium antea episcopus et pastor, maluit in altero | eorum id est Stabulensium locum sepulturae sibi deligere, ipsi primam electionis optineant vicem, si apud eos melior meritis et instructior lineris inveniatur : si autem non illic, sed Malmundarii melior repperiatur, utrique loco preficiendus ab eo potius quam ab externis assumptus intromittatur. Si quis autem, quod non optamus, nefario ausu praesumpserit his quae a nobis ad laudem | Dei pro stabilitate jam dictorum monasteriorum statuta sunt refragare a ut haec in quoquam [transgredi, sciat se] anathematis vinculo innodatum et cum diabolo et ejus atrocissimis pompis | atque Juda traditore Domini nostri Jesu Christi aeternis incendiis concremandum. At vero qui pio intuitu observator et custos in omnibus extiterit hujus nostri apostolici constituti ad cultum | respicientis benedictionis gratiam a misericordissimo Domino Deo multipliciter consequatur [et] vitae aeternae particeps edici mereatur. (L. R.) (L. M.).
Data III° non. septemb. per manus Petri diaconi, bibliothecarii et cancellarii sanctae apostolicae sedis, anno domni | LEONIS noni papae I, indictione III.