L’empereur Otton II, à l'intervention de l’abbé Wérinfrid, restitue à l’abbaye de Stavelot le domaine de Tourinne en Hesbaye.
Datierung: 975 03 03
Ausstellungsort: Nimègue
(C). IN NOMINE sanctae et individuae Trinitatis, Otto divina preordinante clementia imperator augustus cum nostrae serenitati condignum esse videatur | omne consilium salubri et maxime [pro animarum] remedio erga divinas res adauctas sequi et adimplere, comperiat omnium fidelium nostrorum tam praesentium quam et futurorum sollers | prudentia, quia nos commonente et suppliciter interveniente fidelissimo nostro Vuerinfredo venerabili abbate, pro animae nostrae remedio et imperii stabilitate quoddam predium Turninas vocatum in pago | Haspanensi et in comitatu Folchuuini comitis Hoio situm, ad abbatiam Stabulaus jure proprium, sed a quibusdam in benefitia distributum et ita ab eadem aecclesia multo jam tempore subtractum, nostra imperiali potentia | eidem aecclesiae ubi sanctus Dei Remaglus corporaliter requiescit, iterum restituimus et in perpetuam proprietatem donavimus, cum utriusque sexus mancipiis, aedifitiis, terris cultis et incultis, pratis, pascuis, silvis, aquis | aquarumve decursibus, viis et inviis, exitibus et reditibus, quaesitis et inquirendis, et cum omnibus jure legaliterque ad hoc pertinentibus, tali ratione ut ab eadem aecclesia et expensa fratrum Deo servientium | hoc nullus regum vel imperatorum seu alicujus personae tam instanti quam successuro tempore inde auferat aut in benefitia aliquo transmutet, sed victui eorumdem fratrum perpetuo deserviat. Et ut haec nostrae | donationis auctoritas firmior perpetim credatur [et a cunctis observetur], hanc cartam inscribi jussimus et anulo nostro signatam manu propria subtus eam firmavimus (R).
SIGNUM DOMNI OTTONIS (L. M .) MAGNI IMPERATORIS AUGUSTI.
FOLGMARUS CANCELLARIUS VICE UUILLIGISI ARCHICAPELLANI NOTAVI (L. S.).
Data V non. mar., anno incarnationis Domini DCCCCLXXIIII,
indictione II, anno regni domni Ottonis XIIII, imperii VII. Actum Nouiomago.