Maingaud, sa femme Hiledrude et leur fils Godefroid reçoivent en précaire du comte et abbé Gislebert des biens à Esch en Ardenne, en retour d’autres biens situés à Bivers et d’une montagne près de la Sûre pour la construction d’une forteresse.
Datierung: 927 06 03
Ausstellungsort: Stavelot
Domno suo et in Christo venerabili viro illustri Gisleberto comiti et abbati ex monasterio Stabulaus. Ego Maingaudus et conjunx mea nomine Hiledrudis et filius noster Godefridus expetimus a vobis de rebus sancti Remacli de monasterio Stabulaus que sunt in pago et comitatu Arduennense in villa et loco qui dicitur Asko, ut vos una cum consensu et voluntate fratrum ibidem servientium ad usum benefitii concedere deberetis. Quod ita et fecistis. Hoc sunt : mansas XII et sartas et prata ad colligendum fenum carradas XII et familia utriusque sexus CXLVI qui ibidem aspitiunt, id est tam terris, acolabus, mancipiis, pratis, pascuis, aquis aquarumve decursibus, mobilibus et immobilibus, concedimus vobis in usum benefitium tam nobis quam et conjugi nostre et filio nostro. Ea vero ratione ut, quam diu vixerimus, absque prejudicio vestro vel sancti Remacli tenere et usu fructuare faciamus et de istis rebus non liceat alibi nec vendere nec donare nec in ullo modo distrahere nec ipsos usus in alterius manu transferre. Et pro hujusmodi [causa et] ut firmior sit precatoria ista, econtra dederunt Maingaudis et conjunx sua ex illorum proprietate ad partem jam dicti monasterii sancti Remacli et sanctam congregationem ibidem consistentium de rebus illorum in supradicto pago et comitatu Arduenna in villa et loco qui vocatur Beueras : mansum unum indominicatum cum aliis mansis XI, cum capella, et culturas IIII ad seminandum annona modios C, et prata ad fenum colligendum carratas LX, et silva ad saginandum porcos CC si pastus evenerit, et mancipia utriusque sexus LXXIII, post obitum illorum tradiderunt. Ista omnia superius nominata, id [est] tam terris, domibus, edificiis, acolabus, mancipiis, campis, silvis, pratis, pascuis, aquis aquarumve decursibus, mobilibus et immobilibus, post obitum nostrum tradimus ad prefatum monasterium perpetualiter possidendum. Si quis vero, [quod fieri] non credimus, si fuerimus nos ipsi, quod absit, vel ulla quislibet opposita persona qui contra hanc precatoriam venire presumpserit, cui contra litem intulerit auri cocti libras II, argenti pondera X componat, et hec precatoria talem optineat effectum qualiter de quinquennio in quinquennium iuisset renovata, et ista pena non sit necesse cujus intextus per semetipsam debeat durare. Actum Stabulaus monasterio sub die III non. junii, anno IIII domni Heinrici piissimi regis.
Signum domnus Gislebertus comes et abba ex monasterio jam dicto Stabulaus et Maingaudus qui hanc precatoriam invicem fecerunt. Rotaldus prepositus, Ascherus monachus, Odelricus monachus, Theodericus monachus, Bermundus monachus, Liethfridus monachus, Euerardus monachus, Rodulfus monachus, Bernardus monachus, Heribertus monachus, Erkenradus monachus, Willerus monachus, Wielandus monachus, Thietfridus monachus, Heribertus monachus. Item summa laicorum : Burgericus advocatus, Johannes, Gerbertus, Fulstainus. His presentibus omnia facta fuerunt.
Gerardus cancellarius recognovit diemque et tempus ut supra notavit in Dei nomine. Amen. Montem autem ubi firmitatem facere cupitis et illa terra quicquid inter illum montem et fluvio Sura et omnia concedimus vobis in jure perpetualiter habere et nos annuatim ad eandem festivitatem sancti Remacli ad eundem altare de denariis in censum solvere solidos II.