Charles Martel, maire du palais, rend une sentence en faveur des monastères de Stavelot et de Malmedy au sujet des terres de Tofino et Silvestrivilla contre les prétentions de Wolfrannus, agissant au nom de su femme Richilde.
Datierung: 720? 12 06
Ausstellungsort: Glains
Cum resedisset illuster vir Carlus, major domus, una cum pluribus personis Glamau villa ad universorum causas audiendas vel recta judicia terminanda, ibique veniens homo Wolfrannus in causa conjugis sue Richilde, adprobatores suos Tancrado et Fastrado et apostolico viro Rabangario episcopo et testatores ad monasteria sancti Petri in Stabulaus et Malmundario interpellavit, et repetebat ei quod villas aliquas nuncupatas Tofino et Silvestri villa quod antecessor eorum Rotgisus quondam tenuit, eisque malo ordine contradiderit vel plus sibi retinuerit. Sed ipsi Rabangarius episcopus in presenti karta precaria manu per plures personas Pypino firmata ostendit relegenda, qualiter ipsas villas superius nominatas Tofinum et Silvestri villam ipse Rotgysus pro benefitio ad ipsa monasteria sancti Petri Stabulaus et Malmundarium vel ab antecessore suo Boboleno abbate et ab ipsis monachis tenuisset, ubi habebat insertum ut ipsas villas usu fructuario ordine dum advivebat teneri debuisset, et nullius prejudicium exinde possessio generare deberet, nisi post suum decessum, cum occurerent meliorata, quicquid in ipsas villas Rotgysus attrahere vel augmentare poterat, a die ipso ad ipsa monasteria vel ipsi monachi ejusque rectores absque contradictione ad heredes ipsi Rotgyso, aut cuicumque velint, testata traditione in eorum reciperent potestatem ac dominationem. Sed dum hanc causam sic diligenter pro ordine [per] nos vel ipsas personas fuit inquisita, interrogatum fuit ipsius Wolframus an aliqui ipsius heredes Rotgyso contra ipsam precariam habebant quod dicere vel opponere deberent, sed ipsi in presens nullatenus contra ipsam precariam potuerunt dicere vel opponere, sed omnibus ipsa precaria vera recognoverunt, et nulla potuerunt tradere ratione quod ipsam villam ullis legibus habere potuissent. Proinde nos taliter una cum fidelibus dominorum vel nostris, hii sunt: Gariberto, lngiso, Racanario, Martino, Amalberto, Aluezo et Bobeleno juniori nostro, vel reliquis quam plurimis visi fuerunt judicare, dum ipsi Wlfranno et ipsi heredes Rotgisus, Tancradus et Fastradus contra ipsam precariam nichil habuerunt quod opponere vel dicere deberent [et] nulla potuerunt tradere ratione pro qua ipsas villas habere potuissent, et ipsam precariam in omnibus veram recognoverunt, ut memoratus Rabangarius episcopus vel pars ad ipsa monasteria sancti Petri Stabulense et Malmundariense ejusque rectores, ipsas villas superius nominatas Tophino et Silvestri villam una cum omni integritate quicquid ipse Rotgysus ad ipsas villas detraxit vel comparavit, antequam ipsa precaria contra ipsa Wlfrannus et conjux sua Richild vel heredes Rotgysus et Tancradus et Fastradus omni tempore haberent in deditione et reliqui eorum, et sit inter ipsos inposterum ex hac re subdita causatio.
Datum quod fecit mensis december die VI, [annum ...] regnante Chilprico rege.