Bischof Hitto gibt Albrich, dem Neffen des Diakons Atto, das Gut zu Sendling (StK München), auf das Atto zu Gunsten des Klosters Schäftlarn nach seinem und seines Neffen Tode verzichtete, zu lebenslänglicher Leihe.
Datierung: (828) 07 29
Ausstellungsort: Holzen bei Assling (LK Ebersberg)
Publice manifestum sit cunctis nobilibus veracisque viris quod ego quidem Atto indignus diaconus propriam hereditatem meam, quod ad Sentilingas habere visus sum totum ex integro iam traditum habeo ad monasterio Scepftilari sancto Dionisio, ut post obitum meum ibidem firmiter permaneat. Modo quoque ea ratione ego ipse Atto diaconus dimitto talem proprium,quod ad Sentilingas habeo, et ad monast[erium] Sceftilari tradidi in manus Hittoni venerabilis episcopi, ut ad ipsa casa dei post obitum meum et nepotis mei Alprici permaneat, et hoc ipsum Hitto venerabilis episcopus Alprico praestabit in beneficium, si ille Attoni superstis fieret, et annis singulis censum redderet ad missam sancti Martini, hoc est denarios II, et post obitum illius sine ullius hominis contradictione ad ipsa casa dei permaneat Isti praesentes erant, qui hoc viderunt Oadalscalch comes, Adalperht, Rihperht, Ampricho, Snelhart Isker, Herimot, Pezzi Uuicco,. Altrih, Mahtuni, Emilo, Cotefrid, Alfrid, Paldrih, Egiperht, Amalker, Uuolfperht. Actum est hoc coram Hittone venerabili episcopo et Iskario abbate et Oadalscalcho comite in eo loco nuncupato ad Holze prope vico Azzalingas in IIII. kalendas Augusti anno Hludouuici imperatoris anno XV., indictione V. Ego quidem Undeo indignus diaconus scribsi hanc notitiam iussione. Hittonis episcopi