a) Priester Waltrich übergibt die von ihm mit Erlaubnis Herzogs Tassilo auf eigenem Grund erbaute und mit den Kirchen zu Deining (LK Wolfratshausen) und Ehpolding (Epolding s. Mühlthal LK Wolfratshausen) dotierte Kirche am „Peipinpach” (der Mühlbach bei Unterschäftlarn) am Tage der durch Bischof Joseph vollzogenen Weihe an die Domkirche in Freising b) und bekräftigt (erneuert?) zu seinem und seiner Verwandten Seelenheil die Übergabe.
Datierung: a) (760 – 764) 11 01 b) 772
Ausstellungsort: a) Unterschäftlarn
a) Domino nostro Jesu Christo protegente et adiuvante ego indignus presbiter Waltrich cogitans cogitavi pro remedio animae meae cum licentia illustrissimi ducis Bauuariorum Tassilonis in propria hereditate mea cepi edificare ecclesiam dei in loco Peipinpach, villa nuncupata Sceftilari prope: fluvium Ísurae Ipsa enim edificata ecclesia, quam ego ipse manibus meis fundavi, advocavi Iosephum episcopum, ut ipsam dedicaret aecclesiam. Adveniente venerabili episcopo interrogabat me coram omnibus coheredibus meis, si aliquis eorum mihi hoc contradicere voluisset peragendum vel quomodo eam hereditare voluissem. Parentibus enim meis pari devotione consentientibus addidi etiam alias duas aecclesias ad Dihiningas et ad Ehapaldingas et me ipsum et quicquid habui ad ipsam ecclesiam tradidi et firmiter in omnibus confirmavi. Dedicata autem ecclesia accessi et pro funis signo tradidi eam in manus Iosephi episcopi, ut in evum permansisset ad domum| sanctae Mariae ad Frigisingas, ut nos et fratres nostri ibidem habuissemus caput et tuitionem capitis. Ipsum autem oratorium dedicatum est in honore sancti Dionisii in kalendis Novembris
b) Et statui tam pro me et pro parentibus meis et coheredibus, ut pro remedio animarum nostrarum ibidem perpetualiter permansisset cum omnibus adquisitionibus meis cum mancipiis et pecoribus et edificiis, pecuniis, terris, silvis, cultis et incultis, ruris, pratis, pascuis, aquis aquarumque decursibus, omnia in omnibus firmiter tradidi et confirmavi ad prenotatam domum dei regnante domno et illustrissimo duce nostro Tassilone anno XXV indictione XV. lsti sunt testes: Atto, frater eius Pippi, Alprich, Cundhart, Reginhart, Madelker, Isenker, Meio, Erchanolf, Oadalker, Adalgart, Starcholf, Toto, Altolf, Deotmar, Fritilo, Helmker, Herideo, Urso, Sundarhere, Egino, Altrich, Oasrich, Sicco, Richbald, Deotmar, Perhtolt, Icho, Ezzilo, Fricho.