Formulae - Litterae - Chartae: Leseumgebung

Salzburger Urkundenbuch (Ed. Hauthaler); Codex Fridarici, Nummer 1

Datierung: 963 04 22
Ausstellungsort: Salzburg

In nomine dei aeterni Agnoscat igitur omnium fidelium tam praesentium scilicet quam futurorum sagacitas qualiter venerabilis Fridaricus Iuuauensis aecclesiae archiepiscopus quoddam concambium consultui fidelium suorum clericorum scilicet et laicorum consentiens cum Sigihardo fratri suo facere decrevit, veluti et fecit Tradidit namque praedictus comes Sigihardus in manus predicti archiepiscopi suique advocati Perenhardi talem proprietatem, qualem visus est habere in Salzpurcgouue in comitatu Hartuuici comitis locis nuncupatis Vûinitramingâ et Mechintal perpetualiter in proprietatem ad sanctum Petrum sanctumque Ruodbertum possidendam Econtra vero tradidit praedictus venerabilis archiepiscopus Fridaricus cum manu advocati sui Peranhardi in manus iam dicti Sigihardi et uxoris suae Vuillae talem proprietatem, qualem [domus] dei in Salzpurcgouuae in comitatu praefati Hartuuici visus est habere, loco nuncupato Hôlzhûsa perpetualiter in proprietatem habendam aequali mensura, etsi praedicti Sigihardi proprietatis aliquid super mensuram praecellat, tamen ad praedictam domum dei consistat.

Et isti sunt testes ex utraque parte per aures adtracti Vuillihalm comes et filius eius Liutolt, Gerolt, Ôtachar, .Adalpreht, Gerhoh, Heitfolch, Pêro, Adalfrit, Ascrîh, Heîmo, Alprihc, Regimpreht, Vûriant, Râzo, Êrchanger, Frehchof, Ôtkoz, Vuolfolt.

Anno incarnationis domini DCCCC LXIII. Actum Salzpurc sub die X. kal. mai