Datierung: 930 03 30
Ausstellungsort: Salzburg
Nihil sibi quisque videatur minuendum, qui econtra recipit in augmentum Quapropter omnis, qui christiano profitetur nomine, agnoscat qualiter Ödalbertus Iuuauensis sedis archiepiscopus consilio fidelium suorum clericorum scilicet et laicorum omnium quandam conplacitationem cum quodam nobili viro n(ominato) Marhuuart agere decrevit Tradidit itaque idem Marhvuart in manus eiusdem archiepiscopi Ôdalberti et advocate sui Reginberti talem proprietatem, qualem ad Undrimam habere visus est, et omnem investituram statim dimisit ad sanctum Petrvm sanctumque Rodbertvm in proprietatem perpetuis temporibus possidendum cum mancipiis et aedificiis terris pratis cultis et incultis caeterisque omnibus iuste ad hanc proprietatem accedentibus ut ad sanctam Iuuauensem sedem in proprietatem post diem eandem nullo inpediente consisterent Econtra vero ipse iam dictus archiepiscopus unâ cum Reginberto advocato suo eidem nobili viro Marhvuart vocitato de rebus sanctae dei aecclesiae sibimet commissae tradidit curtem ad Puoche et loca ad hanc accedentia, nuncupata ad Furti et Piscoffesperch, cum aedificiis et mancipiis tunc inibi manentibus exceptis duobus, et si forte aliquid exinde in servitio dei domus tunc foret occupatum praetermisit caeteraque omnia tam in mancipiis quam territoriis cultis et incultis quaesitis et inquirendis, sicuti antea quondam Hartvuich eiusdem episcopi proximus et advocatus ibidem in beneficium habuit et post eum Pertholt dux habuit conplacitatum et concordia subscriptis testibus relictum usque in finem vitae suae, et postea filius eius si aliquem ex coniuge legitima habeat genitum, si autem filium legitime adultum pro uxore minime habeat, domnus eius Perhtolt dux, si eum supervixerit, usque ad obitum eius in proprietatem possideat, postea ad praedietam sanctam sedem in proprietatem perennem consistat
Isti sunt testes n(ominati): Perhtolt dux, Liutperht comes, Diotmar, Liutpold, Razo, Heimo, Pirhtilo, Pâpo, Gerhoh, Heriperht, Zuentipole, Uuelisincb, Sigihart, Puopo, Ruodperht, Unaltrih, Engilperht, Pernhart, Adalhart.
Et per omnia decimam, quae ad portam pertinet, pretermiserunt
Actum ad Salzpurch, anno DCCCC XXX, die III. kal. apr(ilis).