Datierung: 930 03 30
Ausstellungsort: Salzburg
ITEM CONPLACITATIO INTER ÔDALBERTUM ARCHIEPISCOPUM ET DEGANBERTVM.
Omnium nobilium et ignobilium agnoscat persona tam praesentium quam et futurorum qualiter Ôdalbertus sanctae Iuuauensis aecclesiae archiepiscopus pro rebus domorum dei sibi commissarum augmentandis quondam conplacitationem cum quodam homine suo libero Deganperht vocato agere dignatus est Tradidit itaque ipse Deganperht in manus domini sui praefati archiepiscopi et advocati sui Reginberti talem proprietatem, qualem sibi tradidit quidam nobilis vir n(ominatus) Madalhelm in Trungouue hobas V ad Aulisam iuxta Pahmannun in comitatu Meginhardi cum mancipiis duobus ceterisque omnibus iuste ad hanc proprietatem accedentibus territoriis vineis pratis silvis, ac statim ad sanctum Petrum sanctumque Hrodbertum investituram dimisit ad domum dei perreniter in proprietatem possidendum. Econtra vero idem iam vocatus Ôdalbertus archiepiscopus unâ cum Reginberto advocato suo consilio fidelium suorum clericorum scilicet et laicorum consentiens eidem Deganberto de rebus domus dei in conplacitationem tradidit omne, quod tunc in beneficium visus est habere, sibi et filio suo Ôdalfrid vocato in proprietatem usque ad obitum amborum possidere, postea vero omne cultum et auctum remeat in usum
Et ut firmior atque stabilior foret, ex utraque parte testes traxerunt, quorum nomina sunt Diotmar, Liutpold, Razo, Marhuuart, Heimo, Pirihtilo, Uuillihelm, Papo, Gerhoh, Heriperht, Uuelisinch, Zuentipolch, Sigihart, Puopo, Ruodperht, Uualtrih, Engilperht, Pernhart, Adalhart.
Actum ad Salzpurch, anno DCCCC XXX, III. kal. apr(ilis).