Chartes et documents de Saint-Bénigne de Dijon. Prieurés et dépendances des origines à 1300. Tome premier., 111
Datierung: 879 05
Ausstellungsort: Saint-Bénigne
Sacrosancto coenobio almi Benigni, in quo ipse beatissimus testis Christi requiescit, juxta Divion castrum, ubi quidam presbiter, Vualtelmus nomine, cogitans et dinoscens casum humanae fragilitatis, non coactus sed propria voluntate, condonavit res suas propriae adquisitionis, pro remedio animae et loco sepulturae suae, que sunt sitae in pago Attoariorum, in villa Rufiaco et in ipsa fine, videlicet mansum unum cum supraposito; qui terminat, de uno latere, terra sancti Benigni; de alio latere et una fronte, strada publica; de alio latere, fons cummunalis currit. Similiter dedit in alio loco, in pago Oscarense, in fine Longoviana in villa Patriniaco, paginolas duas de vineis; terminat prima vinea, de ambis lateribus, terra sancti Benigni; de una fronte, terra sancti Petri; de alio strada publica pergit; et abet, in longum, perticas agripennales XXXIIII; in uno fronte, perticas II et pedes III; in alia fronte, perticam I et pedes X; alia paginula terminatur, de uno latere, Gotescalcus tenet; de alio, terra sancti Benigni; de una fronte, exus communalis; de alio, strada publica pergit; et abet in longum agripennales XVIII; in una fronte, perticam I et pedes VIIII; in alia fronte, perticam I et pedes VII. Dedit et in fine Gironense, in loco qui dicitur ad Plantas vineam, videlicet jornalem I et S; qui terminant, de uno latere, Filo nomine tenet; de alio latere, Arlafridus; de una fronte, Farmannus; de alio, Eldegaudus tenent. Hec omnia denominata ego Vualtelmus presbiter, de mea potestate trado et transfundo in dominationem sancti Benigni et monachorum illic Deo militantium, ea conditione ut, diebus vitae meae, de his omnibus nominatis et datis habeam potestatem tenendi et possidendi, jure legitimo; post obitum vero meum, sint ubi data sunt; et si quis horum calumniator extiterit, auri libras II legibus constrictus persolvat; hec vero donatio firma et stabilis permaneat. Actum Divion, basilica sancti Benigni. Signum ipsius Vualtelmi presbiteri. S. Arnavaldi. Alexandri. Aleranni. Vualdierii. Fulchardi. Aliconi. Eldeberti. Balterii. Radulfi. Erluini. Flotberti. Ego Vulfardus presbyter scripsi et subscripsi, datavi mense magio, anno primo domni nostri KARLOMANNI, adhuc pueri.