Chartes et documents de Saint-Bénigne de Dijon. Prieurés et dépendances des origines à 1300. Tome premier., 17
Datierung: 690 ou 698 03 25
[Sergius, gratia Dei] PONTIFEX ROMANUS, heroni, Lingonensi presuli, salutem et apostolicam benedictionem. Quam primum nobis attendendum, karissime, ne hostis malignus gregem Christi perturbet aliqua occasione. Divionensium namque monachorum, martiri Benigno sub regimine Vulfechranni abbatis devote famulantium, recla- matio ad nos pervenit clericos jam dicti castri ad se eorum cymiterium transferre conari. [Hoc] quia predecessoris mei Johannis, Benedicti utique successoris, contradicitur decretis, auctoritate beati [Petri apostoli et nostra prohibetur sub] percussione anathematis. Nam, sicut [Gregorius, olim] predecessor vester, adhortatu prefati martiris monasterii ipsius constructor, [utrisque sancivit] unum quo sanctus jacet concorditer cymiterium, ita nostre auctoritatis littere censuerunt corroborandum. Quisquis etiam a torrente qui utrumque burgum dividit auferre ab eodem burgo vel claustro [aliquid], excepto abbate vel monachis, presumpserit, simili sententia se dampnandum noverit. Bene valete. Data VIII kalendas aprilis per manus Johannis bibliothecarii sancte sedis apostolice, anno pontificatus domni Sergii, universalis [pape, decimo, in] sacratissima sede beati Petri [apostoli], indictione II.