Chartes et documents de Saint-Bénigne de Dijon. Prieurés et dépendances des origines à 1300. Tome premier., 16
Datierung: 685 11
Johannes episcopus, servus servorum Dei, dilecto filio Vulfecranno, abbati Divionensis monasterii ejusque successoribus, salutem et apostolicam benedictionem. Officii nostri auctoritate monemur viros honestos in suis petitionibus exaudire eisque congruum [suffragium] impertiri. Quapropter, [carissime in Domino] fili Vulfecranne abbas, postulationes tuas dignas judicantes impleri, cymiterium vestrum, in quo venerandus martyr Benignus corpore requiescit, vobis atque clericis Divionensis castri [perpetuo] unum constituimus habendum, et ne idem cymiterium alibi transferatur, aut aliud preter ipsum constituatur, sub excommunicatione prohibemus, [et si post haec factum fuerit, nos illud auctoritate beati Petri et nostra dampnamus]. Sane adicimus ne ab episcopo Lingonensi seu alio quoque idem cymiterium interdicatur aut temeretur, sed pro gloriosi martyris reverentia, qui locum ipsum et patriam adjacentem sui sanguinis aspersione sacravit, inviolabili gaudeat libertate, et semper sub istius sacrosancte et apostolice sedis protectione servetur. Si qua sane persona illud violare aut quocunque modo temerare presumpserit, [nos eam] anathematis sententia [percutimus. Data per manus Joannis bibliothecarii, pontificatus domini Joannis] pape anno primo, mense nono, [in] sacratissima beati Petri apostoli sede, indictione VI. [Ego] JOHANNES SANCTE CATHOLICE ECCLESIE episcopus subscripsi.