Datierung: ([983] 1001-1025)
In nomine dei eterni. Rodulphus dei misericordia rex. Igitur notum sit omnibus nostris, qualiter Eurinus venit ad nos precans, ut sibi quandam terram sancti Mauricii per consensum domni archipresulis Burcardi et almi Mauricii abbacie prepositi commutaremus. Cui assensum prebentes tam ipsi quam uxori sue Engidre terram in comitatu Vualdense sitam in villa que dicitur Cardona, videlicet mansum I cum omnibus suis pertinentiis, et quitquid voluerint habeant potestatem faciendi, accipientes in cumcambio terram in Otholanda coniacentem in villis villaris Laomantii et villaris Leutardi seu villaris Sigifredi et Abasilgicis, scilicet mansa duo cum omnibus suis pertinentiis, sub redibicione census denariorum XII annuatim in festivitate sancti Mauricii soluti; et si uno anno neglegens de supra scripto censu apparuerit, in secundo anno duplicatum illum reddat et sic secure iam dictam terram possideat.
Anselmus episcopus et sancti Mauricii abbacie prepositus laudavit et firmavit.