Datierung: (vor 1018 09?)
In nomine sanctae et individuae trinitatis. Rodulphus divina favente gratia rex. Rebus nostris ecclesias dei augmentare more regum predecessorum nostrorum utile ducimus et honestum diiudicamus. Quapropter notum sit omnibus dei ecclesiae et nostris fidelibus natis et nascituris, qualiter ob animae nostrae remedium et petitiones Irmingardis reginae coniugis nostrae dilectae et Burchardi archiepiscopi fratris nostri et Burchardi Viennensis archiepiscopi ceterorumque nostrorum fidelium damus in pago Albanensi Tallueriis villam cum appendentiis suis et cum ecclesia in honore sanctae Mariae et sancti Petri et sancti Mauricii consecrata ad sanctum Martinum ad w monasterium Sauiniacense et ad regimen et subiectionem Iterii abbatis et successorum eius et utilitatem fratrum Tallueriis monastice deo famulantium, ita ut in nostra tuitione et Irmingardis reginae et successorum nostrorum regum permaneat. Ut haec a nobis facta credantur, manu
nostra roboravimus et sigillari iussimus.
Signum domni Rodulphih (M.) piissimi regis.
Signum Heinrici imperatoris.
Paldolfus cancellarius recognovit.