Gratia superni muneris favente Rodulfus Iurensium rex omnibus sub iugo aeterni regis examussim militantibus quicquid tellure iocundius caeloque felicius. Dum divina clementia largiente polissemis [regni nostri in] partibus pax obtabilis frueretur omnesque gauderent vehementer, defunctis tribus episcopis detrimentum passae sunt ecclesiae nostrae. Quapropter sanctorum obedientes pontificum [statutis], suis que figere studuerunt dictis, ne nimia intercapedine benedictio ordinandorum propteletur episcoporum, videlicet ne deficiente crismatis consecracione simul quoque mater aecclesia suorum aliquid dispendium paciatur menbrorum, direximus ad archipresulem Grisopolitanum donnum scilicet Girfredvm metropolitanum, quatinus reliquis suis consufraganeis subvenire dignaretur, ipsis basilicis obitu pastorum iam viduatis. Qui secundum sanctos canones cuncta peragitans simulque nostrae ditioni obtemperans ordinavit supra taxatis ecclesiis episcopos, Beronem videlicet Lausonensi, Ieronimum Belicensi, Asmundum Sedunensi.