Quisquis divinitus inspiratus aliquoda sibi refrigerii solatium fore prospexerit, qualiter inconvulsum et durabile ad noticiam posterorum fiat, consulto opus est. Ideo ego in dei nomine Warinus divina preveniente gratia Coloniensis metropolios licet nullis suffragantibus meritis infulatus archiepiscopus trado et transfundo in memoriam decessorum nostrorum archiepiscoporum quasdam ecclesie nostre res usui nostro cottidiano habitas ut nostra etiam intersit, ad ecclesiam sanctarum XI millium virginum et martyrum extra muros Colonie civitatis honorifice in dei honorem constructam ad continuanda eiusdem ecclesie luminaria, ad restauranda tecta, ad sustentandas quoque custodum vires inibi circumspecte et solerter pernoctantium, scilicet ecclesiam in honorem XII apostolorum constructam cum IV mansis et dimidio in villa Gunterestorpe dicta sitis, mancipia quoque X et VII et in suburbio iuxta dictam ecclesiam mansum dimidium cum IV territoriis appenditiis infra urbem habitis. Insuper etiam, ut in processu temporum dei servitium in prefato sanctarum virginum monasterio vigilantius instantiusque suppleatur, trado ad victualia sanctimonialium ibidem deo egregie pro viribus militantium curtem dominicatam in villa Oissendorp dicta cum IV mansis plenariis et mancipiis XXXII, similiter etiam silvam specialem pascualem eidem curti adiacentem. Eodem modo in villa Mundestorp dono III mansa et dimidium cum omnibus appendiciis, in Lacchem mansum I, in Bercheim I, in Frechena tantum terre, unde integer solidus persolvitur, in Paiffendorp, unde VI denarii extunc addimus. Preterea in Burgila ecclesiam cum decimatione integra, curtem dominicatam cum terra salaricia et IV mansis, mancipia quoque, que incolunt ea, et aliquantulam silvam cum omni integritate et usibus. Similiter in Barala duo mansa et molandinum unum. Dono etiam eidem prefato monasterio ad victualia et usus sanctimonialium in Kentinich curtem dominicatam cum terra salaricia et silva speciali, mancipia quoque cum pascuis, pratis et omnibus que inde exiguntur, cum mansis decem et septem. Territoria quoque in ipsa ripa Rheni fluminis, unde census exigitur ad VI solidos, que inhabitant et incolunt hii, quorum nomina subtus notabimus: Rado solidum I et uxor eius VI denarios, Huno solidum I, Ello solidum I, Ruopthin solidum I, soror eius VI denarios, Hugelo solidum I, Otta VI denarios, Gundichin solidum I. Addo Mundesheim solidum I. Addimus etiam usibus iam dictarum sanctimonialium territoria in urbe iuxta ecclesiam sancte Columbe sita in Dagamundestorp respicientia, unde extunc solidi VI. Si quis successorum nostrorum hanc donationis cartamt infringere aut diminuere, quod absit, in aliquo attemptaverit, audiat vocem terribiliter comminantem: michi vindictam, ego retribuam.
Signum Warini archiepiscopi, qui hanc traditionis cartam fieri precepit. Signum Euergeri vicedomini. Signum Ruothberti prepositi. Signum Ailfardi presbyteri. Signum Virduni prepositi. Signum Blicherii prepositi. Signum Vissonis prepositi. Signum Gerardi. Signum Godefridi. Signum Bilis. Signum Stephani. Signum Christiani. Signum Hermanni. Signum Adalgeri. Signum Godefridi. Signum Wolfardi. Signum Hannin. Signum Asselini. Signum Luiponis. Signum Winichergeldi.
Ego Willibertus indignus et peccator hanc traditionis cartam scripsi anno DCCCCLXXX, VIII kal. novembris, indictione IX.