Datierung: c. 1000
Omnibus superne aure spiramina retinentibus paucis innotescere gestio verbis, qualiter tradiderit unus nobilium heroum Lieoparto nominatus, qui filium suum ad sancti martyris Emmerammi servitium monachicalis vitae iugo subiectum inibi serviendum obtulerat, tale predium, quale ipse et antecessores sui in loco qui dicitur Emminhouun et Petinhouun possederunt, ad altare dei adlaetae, cuius supra mentionem fecimus, pro filio suo et pro remedio animae suae necnon omnium parentum suorum, qui debita morti persoluerunt, vel qui istius vitae aura adhuc pociuntur, eo scilicet tenoris pacto ut nullus aliquo scrupulositatis nodo detentus inhereat, sed procul dubio sciat illa mancipia: Meginhildam, Benedictam, Reginpertum, Frouimarum, quae isto caenobio destinauerat servituros, dictante aequitatis ratione eo iure uti, quo potiti sunt, cum sub hereditario domno servituri degebant. Siquis hoc infringere velit, heredes recipiant. Isti testimonium . . . Ruodpreht, Job, Magnus, Lantpreht, Salaman, Adalhart, Durinchart, Vuerinhart, Uuicpreht.