Datierung: 975-980
Ab initio enim christianae religionis usque in presens finetenusque est absque dubio sperandum firmiterque credendum, quod quisquis res aecclesiarum dei mente sincera et fide non ficta in melius commutare vel ampliare nititur, a Christo remuneratore sine fine debent (!) mercedem sperare Ob hoc agnoscat cunctorum industria fidelium presentium scilicet ac futurorum, qualiter quidam vir ingenuus de pago Tuonohgouoe oriundus, nomine Gotahalm, tradidit sancto dei martyri Emmerammo, fratribus inibi ministrantibus talem proprietatem, qualem habuit in Ioco Scîri nuncupato in supra dicto pago, in comitatu videlicet Paponis, rebus eorundem fratrum bene contiguum cum curtilibus, agris, pratis, pascuis, exitibus et reditibus, quaesitis et inquisitis omnibus ad eandem proprietatem iuste pertinentibus in manum denique episcopi Vuolfkangi et abbatis Ramuuoldi necnon advocati sui Hauuardi perenniter in proprium Econtra vero retradente eodem advocato una cum manibus tam episcopi quam abbatis accepit memoratus Gotahalm de rebus ac stipendiis fratrum iam dictorum in loco, qui vulgo Stumphard appellatur, ad curtem Tuncilinga prospicienti equalem mensuram et eo amplius, simili tamen ratione cum curtilibus, agris, pratis, cultis et incultis parteque roboreti eidem loco oportune coniacenti, sicuti illi mensura presentabatur, eo quoque tenore, ut et ipse hoc perpetualiter habeat et utatur potestatiue in proprium Et isti sunt testes ritu bauuarico per aures tracti Orendil, Ruodpreht, Ymmo, Hartuuic, Erchanfrid, Lioparto, Hauuart iunior.