None
Datierung: 1052–1060
Accidit postea, per Dei providentiam, quod Perenesius abbas ad supradictam insulam cum suis monachis pervenit; ad cujus adventum nonnulli proborum. virorum· convenerunt, ut ab ipso·divina verba audirent. Qui inter cetera ipsi prefato abbati de quodam milite infirmo, Glemarhoco scilicet, enarrare ceperunt, qui in cimiterio Sancti Simphoriani quendam monachi famulum verberaverat,. et ob hoc infirmabatur. Et insuper addiderunt quod ipse prefatus miles, ob penitudinem facti, disposuerat Sancto Salvatori Sanctoque Simphoriano sextam partem cimiterii illius sancti necnon sextam partem supradicte insule libere dare; quod abbas benigne suscipiens, militem superius dictum absolvit, et beneficium totius ecclesire Sancti Salvatoris sibi concessit. Dedit etiam quidam miles, nomine Derianus, Harscuidi filius; de Riniac, Sancto Salvatori, quartam partem illius supradicti cimiterii, unde cuidam, suo militi Alueret nomine unum scutum dedit, ut donum annueret. Insuper alter quidam miles, Harscuidus nomine, Richardi filius, quartam partem illius cimiterii, que sibi competebat, Sancto Salvatori tradidit, et Gaufredus Pugil quidam probissimus homo suam quartam partem, quam de cimiterio possidebat, simili modo tribuit et concessit. Hii omnes societatem et beneficium aecclesiae Sancti Salvatoris ab ipso abbate Perenesio acceperunt. Testes cuius rei hii sunt: Fredorius, vicecomes, qui hoc donum concessit, et ob hoc societatem et nostram fraternitatem habuit; Derianus, testis; Tangi, frater eius, testis; Alueret, testis; filius Gerbaudus, Bernerius et fratres eius, testes; Aldroen et Callen et Catloant, testes; Berner, Rufus, et filii eorum, testes; Guiomar Calvus, testis; Rainalt de Insula, testis; Bernard Loba, testis; Robertus, frater eius, testis; regnante Hoel comite, Gueret, episcopatum Nannetis regente et hoc donum annuente.