None
Datierung: 843 06 01
Magnifico viro fratri, nomine Uuinhoiarno, presbytero, emptori, ego enim, in Dei nomine, Riscant, venditor, constat me tibi vendidisse et ita vendidi rem proprietatis meae, hoc est, petiolam de terra nuncupantem Ranconmarch; finem habens fossatellam quae ducit ad cruces, ad ripam Keurillam, per ripam ad alterum alodem Uuiuhoiarn, per confinium ipsius alodis, ad viam publicam per que ducit ad aecclesiam Carantoer, per viam ipsam iterum ad cruces, unde accepi a te precium in quo mihi bene complacuit, illis presentibus qui subtertenentur inserti, hoc est, solidos .XIII., et ad Ratuili, mactiern, denarius .VI., et ad Litoc, missum Nominoe, missas .XX., et ad Uuoethoiarn denarius . VI., ad Uuicant denarius .III., habeas, teneas, possideas, facias exinde quicquid volueris, ita ut ab hodierna die quicquid exinde facere volueris , iure proprietario, liberam ac firmissimam in omnibus habeas potestatem ad faciendum; et alligo tibi fideiussores vel dilisidos in securitatem ipsius terrae, his nominibus: Uuoethoiarn et Uuicant, manu mea subterfirmavi et bonis viris adfirmare rogavi. Signum Riscant, venditoris; x. Unoethoiarn; x. fratris sui Ratuili, mactiern; x. Litoc, missus Nominoe; x. Marchuuocon, hominis sui; x. Uuoletec, maior; x. Catuuotal; x. Deganus; x. Taetal; x. Heuhoiarn; x. Hirdhoiarn; x. Uuorethoiarn; x. Tomas, clericus; x. Uuorcondelu; x. Dreuuoret; x. Houuoret; x. Euuen x. Factum est hoc in loco super ipsam terram, iuxta cruces Roenhoiarn, .X., ,VI, feria, kal. iunii, regnante Karolo rege et Nominoe possidente Brittanniam, Susanno episcopo, Rabili mactiern, et ego, Haeldetuuido, scripsi et subscripsi.