Pippin beurkundet, dass Abt Fulrad von St. Denis wider Gislemar die Villa Avezé und anderen Besitz vor ihm gerichtlich erstritten habe.
Datierung: 752 03 01
Ausstellungsort: Verberie
Pippinus rex Francorum vir illuster. Cum nos in dei nomine Vermeria in palatio nostro una cum proceribus nostris vel fidelibus ad universorum causas audiendas vel recta iudicia terminanda resideremus, ibi veniens venerabilis vir Fulradus abba de basilica peculiaris patroni nostri domni Dyonisii, ubi ipse preciosus domnus in corpore requiescit, hominem aliquem nomine Gislemarum interpellabat repetens ab eo, eo quod villam sancti Dyonisii que dicitur Abaciacus in pago Cenomannico seu et Oximensi etiam et illam porcionem in Sibriaco in pago Matriacensi, quam femina aliqua nomine Loba genitrix ipsius Gislemari per suum testamentum ad casam prefatam sancti Dyonisii condonavit et ante agentes sancti Dyonisii de ipsa villa ante Chilpericum regem auctrix affuerat, ipsas res ipse Gislemarus post hec malo ordine retinebat et iniuste. Ipse vero Gislemarus in presenti astabat, unde nullatenus potuit denegare, sed in presenti recognovit, quod genitrix sua Loba ipsam villam superius nominatam Abaciacum cum omni integritate in pago Cenomannico seu et portionem illam in Sibriaco cum omni integritate in pago Matriacensi ad casam sancti Dyonisii manu potestativa condonasset. Unde et de presente ipsum Fulradum in causa sancti Dyonisii per suum vadium de ipsis villis superius nominatis Abaciaco et Sibriaco visus fuit revestisse de omnibus scilicet, quecumque iam dicta Loba genitrix sua ad casam sancti Dyonsii condonaverat vel in ipsis villis tenuerat; postea per suam festucam se exinde in omnibus contra ipsum abbatem Fulradum in causa sancti Dyonisii dixit esse exitum. Proinde nos una eum proceribus vel fidelibus nostris, id est Milone, Rotgario, Cheimgaudo, Crothardo, Gerichardo, Autgario et Wiberto comite palatii nostri vel reliquis quam pluribus visi fuimus indicasse, ut, quia ipse Gislemarus in presenti astabat et nullam potuit reddere rationem, propterea iubemus, ut, quia hec causa sic acta vel perpetrata fuit, ipse Fulradus abba vel successores sui ipsas villas superius nominatas Abbatiacum cum omni integritate et cum omnibus adiacentiis suis vel appendiciis totum et ad integrum rem inexquisitam seu et Sibriacum in pago Matriacensi, id est una cum terris domibus superpositis accolabus mancipiis vincis silvis campis pratis pascuis aquis aquarumve decursibus iunctis vel subiunctis farinariis gregibus cum pastoribus utriusque generis et sexus et quecumque Loba per suum testamentum ad casam sancti Dyonisii condonavit vel iam ante Chilpericum regem antecessorem nostrum et Hugonem antecessorem ipsius Fulradi abbatis auctrix affuit, inspectis ipsis testamentis contra ipsum Gislemarum habeat evindicatas atque elidigatas et sit inter eos in postmodum ex hac re omni tempore sopita causatio.
Data kal. marc. anno primo regni nostri, Vermeria ; feliciter.