Datierung: 1182 08 27
Ausstellungsort: Velletri
Lucius episcopus seruus seruorum Dei. Dilectis filiis Guiliermo priori domus de Grandimonte eiusque fratribus tam presentibus quam futuris regularem uitam professis in perpetuum. Religiosam uitam etc. In quibus hec propriis duximus exprimenda uocabulis: cellas, quas in diuersis episcopatibus habetis, in episcopatu Bituricensi, in episcopatu Senonensi, Claromontensi, Caturcensi, Aniciensi, Pictauiensi, Xanctonensi, Engolismensi, Tholosanensi, ….. item in episcopatu Andegauensi, archiepiscopatu Turonensi, episcopatu Caenomanensi, Sagiensi, Parisiensi; (in archiepiscopatu Bituricensi sunt cellae et domus de Sauseia, de Castro Nouo, de Podio Thilloso, de Fonte Guidonis, de Fonte Albo, de Molinis, de Charmes, de Grosso Bosco; in episcopatu Lemouicensi domus de Brondollis, de Mureto, de Eclusa, de Treseris, de Hispania, de Iaxaco, de Bosco Uiridi, de Serra, de Foresta, de Porrariis, de Maiori Gorcia, de Plancha, de Charniaco, de Podio Gilberti, de Sammurio, de Castaneto, de Roseto, de Stricto Cornu, de Lobers, de Bosco Ieiuno, de Clausellis; in Claromontensi domus de Prunhela, de Chauano, de Faieto; in Caturcensi domus de Gauhases, de Petroso, de Bosco Minori, de Francorio, de Caturgo; in Rutinensi domus de Saluatico, de Comba Romal; in Aniciensi domus de Viaya; in Pictauiensi domus de Enterfins, de Valhiola, de Podio Caprauii, de Espaudio, de Troseya, de Bosco Puluerelli, de Bosco Alone, de Bona Radice, de Barba Torta, de Rupe Cerueria, de Orbisterio, de Chassayo, de Quarta, de Fonte Adae, de Enteruo, de Fonte Croso, de Bandolia, de Dina; in Xantonensi domus de Sarmesia, de Lancra, de Iarrico, de Brolio Xantonensi, de Urcia, de Guandalrico; in Engolismensi domus de Rauello; in Tholosanensi domus de Pinello, de Loco Dei; in archiepiscopatu Turonensi domus de Bosco Raherii, de Monte Ausano, de Uilleriis, de Altis Ripis, de Claro Folio, de Fontemoro, de Pomario Acri; in Andegauensi domus de Haya, de Primauderia, de Credone, de Monez, de Brolio Berlay; in Caenomanensi domus de Burceyo, de Hubauderia, de Monte Guidonis; in episcopatu Sagiensi domus de Quercu Galonis, de Berleria; in episcopatu Parisiensi domus de Vinceriis; in Meldensi domus de Reraio; in Bellouacensi domus de Mainello, de Beluaco; in Suessionensi domus de Bona Domo, de Sauinhiaco, de Bayssino; in Aurelianensi domus de Coudra, de Marinhiaco, de Clariaco; in Carnotensi domus de Molinellis, de Loya, de Bosco sancti Martini, de Altone, de Bellafago, de Bolonia; in Rothomagensi domus de Rothomago, de Fontana; in Ebroicensi domus de Alba Uia, de Escadala, de Bellomonte; in Burdigalensi domus de Batbuo, de Landa, de Luco; in Agenensi domus de Gaorigia, de Mayrinhaio, de Ribeyrolia, de Defenso; in Lectorensi domus de sancta Rosa; in Petragoricensi domus de Boischeto, de Fagia Iumiliaci, de Rauseto, de Bello Saltu, de Bella Silua, de Breda, de Vayseriis; in Lodouensi domus de sancto Michaele; in Magalonensi domus de Monte Herbedonis; in Auenionensi domus de Montibus Ennicis; in archiepiscopatu Lugdunensi domus de Bello Ioco; in Cabilonensi domus de Espessia; in Augustodunensi domus de Brolio Eduensi, de Carboneriis, de Brandona; in Altisiodorensi domus de sancto Mauritio, de Fontaneto; in Lingonensi domus de Linhiaco, de Castro Vilani; in Niuernensi domus de Fagia Niuernensi, de Colomba; in Catalaunensi domus de Mastone; in Senonensi domus de Diuione, de Trahis, de Alneto; in Trecensi domus de Aluico, de Machereto; in Bisuntinensi domus de Fayeta; in Tirasonensi domus sancti Michaelis de Tutela; in Herefordensi diocesi regni Angliae domus de Albis Buris; in archiepiscopatu Eboracensi eiusdem regni domus de Escadala; in Meneuensi domus de Creschohala.) Sane laborum uestrorum, quos propriis manibus aut sumptibus colitis, nullus omnino decimas praesumat exigere. Liceat quoque uobis clericos uel laicos a saeculo fugientes liberos et absolutos ad conuersionem recipere et absque contradictione aliqua retinere. Prohibemus insuper, ne ulli fratrum uestrorum post factam in ordine professionem fas sit absque licentia prioris discedere; discedentem uero absque communium litterarum cautione nullus audeat retinere. Statuimus praeterea, ut liberum uobis sit secundum uestri ordinis statuta sine aliquorum molestiis domino famulari. Paci quoque et tranquillitati uestrae paterna sollicitudine prouidere uolentes auctoritate apostolica prohibemus, ut infra clausuram locorum seu grangiarum uestrarum nullus uiolentiam uel rapinam seu furtum committere aut ignem apponere seu hominem capere uel interficere audeat. Cum autem generale interdictum terrae fuerit, liceat uobis clausis ianuis, non pulsatis campanis, exclusis excommunicatis et interdictis, submissa uoce diuina officia celebrare. Decernimus ergo etc., salua sedis apostolicae auctoritate et diocesanorum episcoporum canonica iustitia. Si qua igitur etc. Cunctis autem etc. Amen.
Ego Lucius catholicae ecclesiae episcopus.
Dat. [Velletri per manum Alberti sancte Romane ecclesie presbiteri cardinalis et cancellarii] sexto kal. septembris, indictione XV, incarnationis dominicae anno Mo. Co. LXXXII, pontificatus uero domni Lucii pape III anno primo.