Datierung: 1156 11 30
Ausstellungsort: Lateran
Adrianus episcopus seruus seruorum Dei. Dilectis filiis Philippo priori monasterii sancti Vigoris de Perreriis eiusque fratribus salutem et apostolicam benedictionem. Iustis religiosorum desideriis facilem nos conuenit impertiri consensum et eorum uota tanto debemus celerius exaudire, quanto feruentius eos uidemus diuinis obsequiis iugiter inherere. Huius utique rationis intuitu, dilecti in domino filii, prouocati uestris iustis postulationibus clementer annuimus et ecclesiam de Espanaio cum tota decima ipsius uillae et omnibus pertinentiis eiusdem ecclesiae, ecclesiam quoque sanctae Annae in Monte Arenarum cum uilla, terris, decimis et omnibus ad eam pertinentibus uobis auctoritate sedis apostolicae confirmamus et presentis scripti patrocinio communimus. Statuentes, ut nulli omnino hominum liceat hanc paginam nostrae confirmationis infringere uel ei ausu temerario contraire. Si quis autem hoc attemptare praesumpserit, indignationem omnipotentis Dei et beatorum Petri et Pauli apostolorum eius se nouerit incursurum.
Dat. Lateran. secundo kal. decembris.