REGEST MABILLE: Hildegaire, vicomte de Limoges, rend à Saint-Martin et à l’abbé Robert la ville d’Athée, qui avait jadis appartenu au chapitre de Saint-Martin. En reconnaissance de cette restitution, le doyen Gauthier donne en précaire au dit Hildegaire, du consentement de l’abbé Robert, la villa de Brigueil avec son église dédiée à Saint-Martin et à Saint-Martial, à la charge de payer au chapitre 10 sous de cens chaque année, le jour de la Saint-Martin d’hiver.
REGEST EDITION: Biens donnés en précaire par le chapitre de Saint-Martin à Hildegaire, vicomte de Limoges.
Datierung: MABILLE: 884; EDITION: 884
EDITION: Mabille, Emille: Les Invasions normandes dans la Loire et les pérégrinations du corps de saint Martin. Pièces justificatives. In: Bibliothèque de l’école des chartes, Tome 30, 1869. S. 430-431, Nr. 4.
Cum ex rebus ecclesiasticis alicui beneficia commoda atque opportuna praestantur, consequens et condignum est, ut ex rebus propriis ea rependere quisque studiat, quae proficua fiant ecclesiae suisque ministris accepta atque grata et sic in reliquum scriptura obligata habeantur, ut statutis temporibus firma et inviolabilia permanere possint. Nos igitur in dei nomine, Hugo venerabilis basilicae et rerum omnium incliti confessoris christi beati Martini abbas, manifestum fore cupimus successoribus nostris, ejusdem Sancti Martini abbatibus, quoniam accessit ad nostrae ditionis familiaritatem, quidam fidelis noster, ipsius Sancti Martini, Galterus nomine, thesaurarius, innotescens nobis quoniam essent quaedam res suo ministerio pertinentes, quas ex longo tempore sanctus Martinus pene perditas habebat, sed erat quidam fidelis, Ildegerius nomine, qui eas more precario adquirere volebat, unde praecabatur nos, ut eas nostra auctoritate concederemus. Dedit igitur praescriptus Ildegerius, Lemovicinorum vicecomes, et uxor illius Tetberga, quemdam alodum illorum proprium, villam videlicet Ateias nomine, sub omni integritate cum domibus, vineis, pratis, silvis, pascuis, aquis et mancipiis utriusque sexus desuper commanentibus, petens uti in recompensatione hujus elemosinae concederemus ei villam Sancti Martini Brugolium nomine, similiter, sub omni integritate cum mancipiis utriusque sexus desuper commanentibus, cum ecclesiis in honore Sancti Martini et sancti Martialis constructis, cum domibus, vineis, silvis, pratis, pascuis, silvis, aquis aquarumve decursibus, et cum omnibus rebus ad ipsam cortem pertinentibus, excepta tantum matricula. Haec vero omnia, cum ipso quem sancto Martino dederat alodo, per deprecationem, ut diximus praenominati Gualterii, simulque consensum Sancti Martini canonicorum, sub omni integritate concessimus, ea quidem ratione ut studeant exinde reddere, annis singulis, ad missam Sancti Martini hiemalem, censum solidos decem et sic quamdiu advixerint, tam ipsi quam infantes illorum, quieto jure teneant et possideant, Ildegerius scilicet et caeteri post ipsum. Si autem ex instituto censu, negligentes aut tardi extiterint, id ipsum eis emendare liceat, et quod tenuerint, non amittant. Ut autem hujus praecariae auctoritas a nobis, certius per deprecationem Gualterii facta esse credatur, et a successoribus nostris Sancti Martini abbatibus inviolabilis conservetur, manibus propriis sub signo sanctae crucis eam firmavimus, et canonicos Sancti Martini ac nostros subscribere rogavimus. Signum sanctae crucis domni Hugonis abbatis qui hanc precariam fieri rogavit.
[Datum] … Anno DCCCLXXXIV. Regnante Carlomanno.